ഇനി അഭയം ജനങ്ങള്; ജനസമ്പര്ക്കം ഇലക്ഷന് റിഹേഴ്സല്
മൂന്നാമത്തെ ജനസമ്പര്ക്കവുമായി നിയമസഭാ തെരഞ്ഞെടുപ്പിനൊരുങ്ങാന് മുഖ്യമന്ത്രി ആലോചിക്കുന്നു. ജനതാദള്, ഗണേശ്കുമാര്, പി.സി.ജോര്ജ്ജ്, ആര്.എസ്.പി. തുടങ്ങിയവര് ഭീഷണിയുമായി രംഗത്തുള്ളപ്പോള് യു.ഡി.എഫ്. സര്ക്കാരിന്റെ നാളുകള് എണ്ണപ്പെട്ടെന്നാണ് ഉമ്മന്ചാണ്ടി കരുതുന്നത്. ഘടകകക്ഷികള്ക്ക് മുമ്പില് മുട്ടുകുത്തി കുമ്പസാരിക്കേണ്ടതില്ലെന്നും വേണ്ടിവന്നാല് തെരഞ്ഞെടുപ്പിനെ നേരിടാമെന്നും ഉമ്മന്ചാണ്ടി കരുതുന്നു.
\' കരുതല് 2015 \' എന്ന് പേരിട്ടിരിക്കുന്ന ജനസമ്പര്ക്കം നിയമസഭാ തെരഞ്ഞെടുപ്പിന്റെ പ്രചരണപരിപാടികളുടെ റിഹേഴ്സലാണെന്നും ഉമ്മന്ചാണ്ടി കരുതുന്നു.
ഇക്കഴിഞ്ഞ നാലു വര്ഷവും താന് ജനോപകാരപ്രദമായ പരിപാടികളാണ് കാഴ്ച വച്ചതെന്നും തന്റെ സര്ക്കാരിനെ ഒളിഞ്ഞും തെളിഞ്ഞും ആക്രമിക്കാന് ശ്രമം നടന്നെന്നും ഉമ്മന്ചാണ്ടി പറയുന്നു. പ്രതിപക്ഷത്ത് നിന്നല്ല ഭരണപക്ഷത്ത് നിന്നാണ് ഉമ്മന്ചാണ്ടിക്ക് ഏറെ വെല്ലുവിളികള് നേരിടേണ്ടിവന്നത്. തന്റെ പ്രവര്ത്തനങ്ങളുടെ സദ്ഫലങ്ങള് തനിക്കു ലഭിച്ചില്ലെന്ന് ഉമ്മന്ചാണ്ടി ന്യായമായും സംശയിക്കുന്നു.
അതിനിടെ സി.പി.എം.-ന്റെ കേന്ദ്രനേതൃത്വത്തിലുണ്ടായ മാറ്റം ഉമ്മന്ചാണ്ടിയുടെ ശുഭാപ്തിവിശ്വാസം നഷ്ടപ്പെടുത്തുന്നു. സീതാറാം യെച്ചൂരിയും വി.എസ്സും തമ്മിലുള്ള അടുത്ത ബന്ധമാണ് കാരണം. ഒരു സര്ക്കാരിനെ അട്ടിമറിക്കാന് പിണറായി വിജയന് തയ്യാറാവില്ലെന്ന് ഉമ്മന്ചാണ്ടിക്കറിയാം. എന്നാല് അച്യുതാനന്ദന് അത്തരക്കാരനല്ല. ഹീനമായി പ്രവര്ത്തിക്കും.
ഉമ്മന്ചാണ്ടിക്കൊപ്പം സുധീരനും രമേശ് ചെന്നിത്തലയുമില്ലെന്നതാണ് മറ്റൊരു കുഴപ്പം. കോണ്ഗ്രസില് ഉമ്മന്ചാണ്ടി ഒറ്റക്കാണ്. എ.ഐ.സി.സി. പോലും ഉമ്മന്ചാണ്ടിക്കൊപ്പമില്ല. എ.കെ. ആന്റണിയുടെ നിസ്സഹകരണമാണ് കാരണം. തനിക്കിനി അഭയം ജനങ്ങള് മാത്രമാണെന്ന് ഉമ്മന്ചാണ്ടി കരുതുന്നു. അതിനുള്ള ശ്രമങ്ങളാണ് അദ്ദേഹം നടത്തുന്നത്.
ഏതായാലും ജനസമ്പര്ക്കത്തിന്റെ മൂന്നാം എഡിഷന് വിരല് ചൂണ്ടുന്നത് നിയമസഭാതെരഞ്ഞെടുപ്പിലേക്കാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha