ഇന്നലെയാണ് എസ്എസ്എല്‍സി ഫലം പുറത്ത് വന്നത്. എന്നാല്‍ ഫലം പുറത്ത് വന്നതോടെ പ്രശ്‌നങ്ങള്‍ കൂടുതല്‍ വശളാവുകയായിരുന്നു. ഫലപ്രഖ്യാപനത്തിലെ പിഴവുകള്‍ക്ക് കാരണം സോഫ്റ്റ്‌വെയറിലെ സാങ്കേതിക തകരാറാണെന്നാണ് വിദ്യാഭ്യാസമന്ത്രി പി.കെ. അബ്ദുറബ്ബിന്റെ ഇപ്പോഴത്തെ മറുപടി. തെറ്റുകള്‍ക്ക് സോഫ്റ്റ്‌വെയറിനെ പഴിച്ചിട്ട് കാര്യമില്ലെന്നും അദ്ദേഹം പറയുന്നു. പരീക്ഷാ ഫലത്തിലെ പ്രശ്‌നങ്ങള്‍ രണ്ട് ദിവസത്തിനകം പരിഹരിക്കുമെന്നും അദ്ദേഹം വ്യക്തമാക്കി.അതേസമയം, ഫലപ്രഖ്യാപനത്തില്‍ അബദ്ധങ്ങള്‍ കടന്നുകൂടിയതോടെ പരീക്ഷയുടെ മാര്‍ക്കുകള്‍ 54 ക്യാംപുകളില്‍ നിന്ന് നേരിട്ട് ശേഖരിക്കാന്‍ പരീക്ഷാഭവന്‍ നടപടി തുടങ്ങി. ഇതു ലഭിക്കുന്ന മുറയ്ക്ക് പിഴവുകള്‍ തിരുത്തി നാളെയോടെ ഫലം പൂര്‍ണമായി പ്രസിദ്ധീകരിക്കും. മുഴുവന്‍ ഫലവും വരുന്നതോടെ വിജയശതമാനത്തില്‍ മാറ്റമുണ്ടാകും. 100% വിജയം നേടിയ സ്‌കൂളുകളുടെ എണ്ണത്തിലും മാറ്റം വരാന്‍ സാധ്യതയുണ്ടെന്നാണ് റിപ്പോര്‍ട്ടുകള്‍.

എസ്എസ്എല്‍സി വിജയം 97.99 ശതമാനമാണെങ്കിലും വിഷയം തിരിച്ചുള്ള ശതമാനക്കണക്ക് അതില്‍ കൂടുതലാണ്. അഡീഷനല്‍ ഇംഗ്ലീഷ് ഫസ്റ്റ് പേപ്പര്‍, ഗുജറാത്തി, സംസ്‌കൃതം ഫസ്റ്റ് പേപ്പര്‍, സംസ്‌കൃതം സെക്കന്‍ഡ്, തമിഴ് സെക്കന്‍ഡ് എന്നിവയ്‌ക്കെല്ലാം പരീക്ഷാ ഭവന്റെ കണക്ക് അനുസരിച്ചു 100% ജയമാണ്. മലയാളം ഒന്നാം പേപ്പറിന് 99.95 ശതമാനവും രണ്ടാം പേപ്പറിന് 99.5 ശതമാനവുമാണ് വിജയം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha