ജമീല പ്രതീക്ഷ കൈവിടുന്നില്ല, സഭയ്ക്കുള്ളില് യാതൊന്നും നടന്നിട്ടില്ലെന്ന് വിവരാവകാശ രേഖ, ദൃശ്യങ്ങളില് യാതൊന്നുമില്ല
കെ എം മാണിയുടെ ബജറ്റ് അവതരണം തടസപ്പെടുത്താന് ഇടത് മുന്നണി നിയമസഭയില് കാണിച്ച് കൂട്ടിയ മണ്ടത്തരങ്ങള് ടിവിയിലൂടെ ലൈവായി കണ്ട് ജനങ്ങള് വാമൂടി പൊട്ടി ചിരിച്ചത് ഇടത് നേതാക്കള്ക്ക് തന്നെ നാണക്കേടായി. ഇടത് നേതാക്കള് ഇത്രയും പ്രതീക്ഷിച്ചിരുന്നില്ല. നിയമസഭയിലെ പീഡന വിവാദത്തില് കഴമ്പില്ലെന്ന വിശദീകരണവുമായി നിയമസഭാ സെക്രട്ടറിയേറ്റ് വ്യക്തമാക്കിയിരിക്കുകയാണ്. ജമീലാ പ്രകാശത്തിനെ സഭയ്ക്കുള്ളില് ശിവദാസന് നായര് പീഡിപ്പിച്ചുവെന്ന് വരെ വാര്ത്തകള് പരന്നു. എന്നാല് ശിവദാസന് നായര് പീഡിപ്പിച്ചതിന് യാതൊരു തെളിവും നിയമസഭാ സെക്രട്ടറിയുടെ പക്കലില്ല.
നിയമസഭാ സെക്രട്ടറിയേറ്റ് ഇത്തരമൊരു സാധ്യത പൂര്ണമായും തള്ളികളയുകയാണ്. കൂടാതെ ജമീലാ പ്രകാശത്തിന്റെ പരാതി കൈമാറിയിട്ടുമില്ല. 31 പരാതികളാണ് നിയമസഭ കൈയ്യാങ്കളിയുമായി സ്പീക്കര്ക്ക് ലഭിച്ചത്. ഇതുമായി ബന്ധപ്പെട്ട് വ്യക്തതയില്ലാത്ത മറുപടിയാണ് നിയമസഭ സെക്രട്ടറി വ്യക്തമാക്കിയത്.നിയമസഭയ്ക്കുള്ളിലെ വീഡിയോ ദൃശ്യങ്ങളില് പീഡിപ്പിക്കുന്ന ദൃശ്യങ്ങള് യാതൊന്നുമില്ലെന്നാണ് വിശദീകരണവും. എട്ട് ക്യാമറകള് ഉപയോഗിച്ച് നിയമസഭയിലെ ദൃശ്യങ്ങള് ഷൂട്ട് ചെയ്തിട്ടുണ്ട്.നിയമസഭയുടെ വെബ് സൈറ്റില് എല്ലാം വ്യക്തമാണെന്നാണ് വിശദീകരണം.
എന്നാല് നിയമസഭയുടെ വെബ് സൈറ്റില് ഒരു ക്യാമറയുടേത് മാത്രമായി എഡിറ്റ് ചെയ്യാത്ത ദൃശ്യങ്ങള് ലഭ്യമല്ല എന്നതും വ്യക്തമാണ്. ബജറ്റ് അവതരിപ്പിക്കാനായി മാണി സഭയില് എത്തുന്നത് മുതലുള്ള ദൃശ്യങ്ങള് മാത്രമേ ഉള്ളൂ. മാണി എത്തുന്നതിന് മുമ്പാണ് ജമീലാ പ്രകാശത്തിന് എതിരെ പീഡനം നടന്നതെന്നാണ് പൊതുവെയുള്ള ആരോപണം.ആ സമയം നിയമസഭയ്ക്കുള്ളിലെ ക്യാമറകള് പ്രവര്ത്തിച്ചിരുന്നോ എന്നതാണ് സംശയം. ദൃശ്യങ്ങള് പുറത്ത് വരാതിരിക്കാനുള്ള ബോധപൂര്വ്വമായ ശ്രമമാണ് നിയമസഭാ സെക്രട്ടറിയേറ്റില് നിന്നുള്ള വിവരാവകാശ രേഖയില് പ്രതിഫലിക്കുന്നത്. വിവരാവകാശ രേഖയില് സൂചിപ്പിക്കുന്നതിന് സമാനമായുള്ള ദൃശ്യങ്ങളുമില്ല. രാവിലെ കൃത്യം 9 മണി മുതലുള്ള ദൃശ്യങ്ങള് മാത്രമേ വെബ്സൈറ്റിലുള്ളൂ. ബജറ്റ് അവതരണത്തിനിടെയുള്ള സംഘര്ഷങ്ങളും കാണാം.
ബജറ്റ് അവതരണത്തോടെ അത് പൂര്ത്തിയാകുന്നുമുണ്ട്. നിയമസഭാ വെബ്സൈറ്റില് ഇല്ലാത്ത ദൃശ്യങ്ങളാണ് വെബ് സൈറ്റിലുണ്ടെന്ന തരത്തില് നിയമസഭാ സെക്രട്ടറിയുടെ ഓഫീസില് നിന്ന് മറുപടിയായി നല്കുന്നത്. ജമീലാ പ്രകാശത്തിനെതിരായ പീഡന ആരോപണത്തില് സ്പീക്കര് ഒരു നിഗമനത്തിലും എത്തിയിട്ടില്ലെന്നും വിശദീകരിക്കുന്നുണ്ട്. സ്ത്രീത്വത്തെ അപമാനിക്കുന്ന രീതിയിലാണ് ശിവദാസന് നായര് പെരുമാറിയതെന്നാണ് ജമീലാ പ്രകാശം മാധ്യമങ്ങളോട് പറഞ്ഞിരുന്നത്.
അത് കൂടാതെ ഭര്ത്താവിന്റെ ജാതി പേര് പറഞ്ഞ് അധിക്ഷേപിച്ചുവെന്നും ജമീലാ പരാതി നല്കിയിരുന്നു.ഈ ആരോപണങ്ങള് സാധൂകരിക്കാന് പത്ര ഫോട്ടോഗ്രാഫര്മാര് എടുത്ത ചിത്രങ്ങളുമായി അവര് മാദ്ധ്യമങ്ങള്ക്ക് മുന്നിലുമെത്തി. ഏതായാലും ബജറ്റ് ദിനത്തില് സഭയ്ക്കുള്ളില് അരുതാത്തതൊന്നും നടന്നില്ലെന്ന് വിവരാവകാശ രേഖ വ്യക്തമാക്കുന്നുണ്ടെങ്കിലും സത്യാവസ്ഥ എന്താണെന്ന് കാത്തിരുന്ന് തന്നെ കാണേണ്ടി വരും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha