കല്യാണിന്റെ പുതിയ പരസ്യം വിവാദത്തില്; വംശീയ വിദ്വേഷത്തിന് ഇടയാക്കുന്ന തരത്തില് പരസ്യം ചിത്രീകരിച്ചെന്നാരോപണം
കല്യാണിന്റെ പുതിയ പരസ്യം വിവാദത്തില്. വംശീയ വിദ്വേഷത്തെ പ്രോത്സാഹിപ്പിക്കുന്ന വിധത്തിലാണ് താരം കല്യാണ് ജൂവലേഴ്സിന്റെ പരസ്യത്തല് അഭിനയിച്ചിരിക്കുന്നതെന്നാണ് ഉയര്ന്നിരിക്കുന്ന പ്രധാന ആക്ഷേപം. പരസ്യത്തില് രാജകുമാരിയുടെ വേഷപ്പകര്ച്ചയിലിരിക്കുന്ന ഐശ്വര്യാ റായി ബച്ചന് കുടചൂടിക്കൊടുക്കുന്ന ദളിത് വംശജനായ കുട്ടിയെ ആണ് ചിത്രീകരിച്ചിരിക്കുന്നത്. ആഫ്രിക്കയിലും അമേരിക്കയിലും നിലനിന്നിരുന്ന അടിമ സമ്പ്രദായത്തെ ഓര്മ്മിപ്പിക്കുന്ന വിധത്തിലുള്ള ചിത്രം സോഷ്യല് മീഡിയയില് വൈറലായിരിക്കുകയാണ്. കൊളോണിയല് കാലത്തെ അനുസ്മരിപ്പിക്കും വിധമുള്ള ഈ ചിത്രം വര്ണ്ണവിവേചനത്തെയും വെളുത്തവരുടെ ആധിപത്യത്തെ ഉയര്ത്തിക്കാണിക്കുന്നവയും ആണ്. ഈ പരസ്യത്തില് ഐശ്യര്യ മോഡലായതാണ് നടിക്കെതിരെ പ്രതിഷേധം ഉയരാന് ഇടയാക്കിത്.
ഉല്പന്നം വിറ്റഴിക്കുന്നതിനായി ഒരു കുട്ടിയെ നിയമവിരുദ്ധമായ രീതിയില് ചിത്രീകരിച്ചതിനും. അതിനു വേണ്ടി ശരീരത്തിന്റെ നിറവ്യത്യാസം ചിത്രീകരിക്കുകയും ചെയ്തതിനെതിരെയാണ് പ്രതിഷേധമുയര്ന്നിരിക്കുന്നത്. ഇതിലൂടെ വംശീയത, സവര്ണ്ണ മേധാവിത്വം, ബാലവേല, അടിമത്വം എന്നിവയെയെല്ലാം പ്രോത്സാഹിപ്പിക്കാന് പരസ്യം ശ്രമിക്കുന്നുവെന്നാണ് ആരോപണം.
ഇക്കഴിഞ്ഞ ഏപ്രില് 17ന് ദേശീയ ദിനപത്രങ്ങളില് അടക്കം പ്രസിദ്ധീകരിച്ച പരസ്യ ചിത്രമാണ് വിവാദത്തിലായിരിക്കുന്നത്.
കല്യാണ് ജൂവലേഴ്സിന്റെ പരസ്യത്തില് അഭിനയിച്ച നടിക്കെതിരെയാണ് ആക്ടിവിസ്റ്റുകളും സോഷ്യല് മീഡിയയും രംഗത്തെത്തിയത്.
ഈ പരസ്യത്തില് നടി അഭിനയിച്ചതിനെതിരെ ഒരുപറ്റം ആക്ടിവിസ്റ്റുകള് തുറന്നകത്തെഴുതി. പരസ്യത്തിന്റെ അണിയറക്കാരെയും നടിയെയും കുറ്റപ്പെടുത്തിക്കൊണ്ടാണ് ഫെമിനിസ്റ്റ് ആക്ടിവിസ്റ്റും എഴുത്തുകാരിയുമായി ഫറാ നഖ്വി, ഓക്സ്ഫാം ഇന്ത്യയുടെ സിഇഒ നിഷ അഗര്വാള്, കുട്ടികളുടെ അവകാശങ്ങള്ക്കായി പ്രവര്ത്തിക്കുന്ന എനാക്ഷി ഗാംഗുലി, ഭാരതി അലി എന്നിവരും, നിയമകാര്യ വിഗദ്ധ മധു മെഹ്റയും തുറന്ന കത്തെഴുതിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha