ഉണ്ണിത്താനും മകനും സിനിമയില് അച്ഛനും മകനുമാകുന്നു
ഉണ്ണിത്താനു പിന്നാലെ മകന് അമല് ഉണ്ണിത്താന് സിനിമയില് അരങ്ങേറ്റം കുറിക്കുന്നു. അതും ഒരേ സിനിമയില് ഇരുവരും അച്ഛനും മകനുമായാണ് അഭിനയം. കോണ്ഗ്രസ് നേതാവ് രാജ്മോഹന് ഉണ്ണിത്താനെ ചലച്ചിത്ര വികസന കോര്പ്പറേഷന്റെ ചെയര്മാനാക്കിയ നടപടി ചലച്ചിത്ര രംഗത്ത് ഏറെ വിവാദങ്ങള് സൃഷ്ടിച്ചിരുന്നു. എന്നാല് വിവാദങ്ങള്ക്കെല്ലാം താല്ക്കാലിക വിട പറഞ്ഞ് ഇതാ രാജ്മോഹന് ഉണ്ണിത്താന് വീണ്ടും ക്യാമറയ്ക്കു മുന്നിലെത്തുന്നു.
സന്ദീപ് സോം സംവിധാനം ചെയ്യുന്ന \'ചാന്ദ്നി പാര്ക്ക്\' എന്ന സിനിമ അമലിന്റെ അരങ്ങേറ്റ ചിത്രം കൂടിയാണ്. അഭിനയം ആദ്യമാണെങ്കിലും ആത്മവിശ്വാസമുണ്ടെന്നാണ് അമല് പറയുന്നത്. സെപ്റ്റംബറില് ചിത്രം തിയറ്ററിലെത്തുമെന്നാണ് പ്രതീക്ഷ.
ഇതിനകം മുപ്പതോളം ചിത്രങ്ങളില് രാജ്മോഹന് ഉണ്ണിത്താന് അഭിനയിച്ചിട്ടുണ്ട. ചാന്ദ്നി പാര്ക്കില് ജോയ്സ് എന്ന എഎസ്ഐയുടെ വേഷമാണ് ഉണ്ണിത്താന്. മലയാളത്തിലും തമിഴിലും ഒരേ സമയം ചിത്രീകരിക്കുന്ന ചിത്രത്തില് തമിഴ് താരം ശ്രീനിവാസാണ് നായകന്.
ചലച്ചിത്ര വികസന കോര്പ്പറേഷന് ചെയര്മാനായ ശേഷം രാജ്മോഹന് ഉണ്ണിത്താന് അഭിനയിക്കുന്ന ആദ്യസിനിമയാണിത്. അടുത്തയാഴ്ച ചിത്രീകരണം ആരംഭിക്കും. പ്രവീണ് ബാബു എട്ടുമ്മലിന്റെതാണ് തിരക്കഥ. കഴിഞ്ഞ ദിവസം സംവിധായകന് മേജര് രവി ഭദ്രദീപം തെളിയിച്ചാണ് ചിത്രത്തിന്റെ പൂജ നടന്നത്. നടന് നാരായണന്കുട്ടി, സംഗീതസംവിധായകന് എം ആര് രജീഷ്, നിര്മ്മാതാവ് വിനോദ് എന്നിവരും പങ്കെടുത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha