അക്ഷയതൃതീയ ദിനത്തില് സ്വര്ണം വാങ്ങിക്കൂട്ടിയത് നിരവധി പേര്, 500 കോടിയിലേറെ രൂപയുടെ വില്പന
എന്നും എപ്പോഴും വിലപ്പിടിപ്പുള്ള ഒന്നാണല്ലോ സ്വര്ണം. സ്വര്ണം വാരികൂട്ടുന്ന നിരവധി പേരുണ്ട്. എന്തിനും ഏതിനും സ്വര്ണം നല്കുക. അതാണ് മലയാളികളുടെ പതിവ് രീതി. ഇന്നലെ അക്ഷയതൃതീയ ദിനത്തില് സ്വര്ണം വാരികൂട്ടിയത് ഒന്നും രണ്ടും പേരല്ല.മറിച്ച് രണ്ടു ടണ്ണിലേറെ സ്വര്ണമാണ് ഇന്നലെ വിറ്റഴിഞ്ഞത്. ഒറ്റ ദിവസംകൊണ്ട് 500 കോടിയിലേറെ രൂപയുടെ വില്പന.രണ്ടര ലക്ഷത്തിലേറെ പവനാണ് ഇന്നലെ ജനം വാങ്ങിയിരിക്കുന്നത്. പ്രമുഖ സ്വര്ണ വ്യാപാര സ്ഥാപനങ്ങളില് വന് തിരക്കാണ് അനുഭവപ്പെട്ടത്.
ദിവസങ്ങള്ക്കു മുന്പുതന്നെ സ്വര്ണം ബുക്ക് ചെയ്ത്, വില നല്കിയ ശേഷം ഇന്നലെ ക്യൂനിന്നു വാങ്ങിയവരുമുണ്ട്. ഭൂരിപക്ഷം പേരും ഏതാനും ഗ്രാം തൂക്കം വരുന്ന നാണയങ്ങളോ ചെറിയ ആഭരണങ്ങളോ ആണു വാങ്ങിയതെന്നതിനാല് വ്യാപാരികള് പായ്ക്ക് ചെയ്തുവച്ചിരുന്നു. ഉപഭോഗത്തില് രാജ്യത്തു മുന്നിരയിലുള്ള കേരളത്തിലെ സ്വര്ണ വില്പനയുടെ കണക്കുകള് അമ്പരപ്പിക്കുന്നതാണ്. വര്ഷം ഇന്ത്യയിലെ ആകെ സ്വര്ണ വില്പന 1,000 ടണ്ണാണെങ്കില് അതില് 9% കേരളത്തിലാണ്. വര്ഷം 90 ടണ് കൊച്ചുകേരളത്തില്. ഗ്രാമിന് ഇന്നലത്തെ നിരക്കായ 2,515 രൂപ വച്ചു കണക്കാക്കിയാല് 22,500 കോടിയുടെ മുതലാണിത്.
പുറമെ ആഭരണങ്ങളുടെ പണിക്കൂലിയും നികുതിയും ചേരുമ്പോള് വര്ഷം 28,000 കോടി രൂപയോളം മലയാളി സ്വര്ണത്തിനായി ചെലവിടുന്നു. സമ്പാദ്യം സ്വര്ണത്തില് നിക്ഷേപിക്കുന്ന പ്രവണതയും പെണ്മക്കള്ക്കായി ഭാവിയിലേക്കു പൊന്നുവാങ്ങി കരുതുന്ന സംസ്കാരവുമാണ് സാധാരണക്കാര് പോലും ഇങ്ങനെ സ്വര്ണം വാങ്ങിക്കൂട്ടുന്നതിനു പിന്നിലെന്നു വിദഗ്ധര് അഭിപ്രായപ്പെടുന്നത്. തമിഴ്നാടാണു രാജ്യത്ത് ഏറ്റവും കൂടുതല് സ്വര്ണം വില്ക്കുന്ന സംസ്ഥാനം. ഇന്ത്യയിലെ ആകെ സ്വര്ണ വില്പനയുടെ 20% വരെ അവിടെ വിറ്റഴിയുന്നു. രണ്ടാം സ്ഥാനം കേരളത്തിനുമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha