മന്ത്രി കെ ബാബുവിനെതിരെ സോഷ്യല്മീഡിയ, കേസെടുത്താല് രാജിവെയ്ക്കുമെന്ന് കെ ബാബു
തനിക്കെതിരെ കേസെടുത്താല് രാജിവെക്കാനുറച്ച് എക്സൈസ് മന്ത്രി കെ ബാബു. തനിക്കെതിരെ ആരോപണങ്ങള് അഴിച്ചുവിടുന്നത് കോണ്ഗ്രസിലെ ചില ഉന്നതരാണെന്നാണ് മന്ത്രിയുടെ ആരോപണം. ബിജുരമേശിനെക്കൊണ്ട് തനിക്കെതിരെ മാത്രം മജിസ്ട്രേറ്റിനുമുന്നില് മൊഴികൊടുപ്പിച്ചത് വ്യക്തമായ ഉദ്ദേശ്യലക്ഷ്യത്തോടെയാണെന്നാണ് ബാബുവിന്റെ പരാതി. തന്നിലൂടെ മുഖ്യമന്ത്രിയെ താഴെയിറക്കാനുള്ള ഐ ഗ്രൂപ്പിന്റെ തന്ത്രമാണെന്നാണ് കെ ബാബുവിന്റെ പക്ഷം. പക്ഷേ കേസെടുത്താല് താന് രാജിവെയ്ക്കുമെന്ന് ബാബു തന്റെ അടുപ്പക്കാരോട് പറഞ്ഞതായാണ് സൂചന.
ബാര്കാരില് നിന്ന് ഒരുകോടി വാങ്ങിയെന്ന ആരോപണത്തിന്റെ പേരില് മന്ത്രി മാണിക്കെതിരെ കേസെടുത്തിരുന്നു. അതിനാല് തന്നെ 10കോടി വാങ്ങിയ ബാബുവിനെതിരെ കേസെടുക്കാത്തതിനെക്കുറിച്ച് ഇപ്പോള് തന്നെ യുഡിഎഫില് കലാപം തുടങ്ങിയിട്ടുണ്ട്. കേരളാകോണ്ഗ്രസ് എം ഇതിനകം തന്നെ സര്ക്കാരിനെതിരെ രംഗത്തുണ്ട്. ബിജുരമേശ് മന്ത്രി ബാബുവിനെതിരെ മൊഴികൊടുത്തത് ഐഗ്രൂപ്പ് നേതാക്കള് പറഞ്ഞിട്ടാണെന്നാണ് എ പക്ഷം പറയുന്നത്. ആദ്യം രമേശ് ചെന്നിത്തലയുടേയും ശിവകുമാറിന്റെയും പേരുകള് പറഞ്ഞെങ്കിലും മൊഴിയില് ഇല്ലാത്തത് ഇതിന് തെളിവാണെന്നും എ ഗ്രൂപ്പ് പറയുന്നു. എന്തായാലും ഉടന്തന്നെ കോണ്ഗ്രസിനുള്ളില് വന് കലാപം ഉണ്ടാകുമെന്നതില് തര്ക്കമില്ല.
എന്നാല് മന്ത്രി കെ ബാബുവിനെതിരെ സോഷ്യല്മീഡിയയില് പ്രതിഷേധം ശക്തമായിട്ടുണ്ട്. പത്തുകോടിയെവിടെ മന്ത്രീ, കൊടുത്താല് കൊല്ലത്തും കിട്ടും എന്നൊക്കെ തരത്തിലുള്ള പോസ്റ്റുകളാണ് സോഷ്യല്മീഡിയയില് പ്രചരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha