അരുവിത്തുറ പള്ളിപെരുന്നാളിലെ വെടിക്കെട്ടിനിടെ കതിന ദിശതെറ്റി ആള്ക്കൂട്ടത്തിലേക്ക് പാഞ്ഞുകയറി അപകടം; യുവാവ് മരിച്ചു
അരുവിത്തുറ സെന്റ് ജോര്ജ്ജ് ഫൊറോന പള്ളിയിലെ തിരുനാളിനോട് അനുബന്ധിച്ച് നടന്ന വെടിക്കെട്ട് അപകടത്തില് ഗുരുതരമായി പരിക്കേറ്റ യുവാവ് മരിച്ചു. തീക്കോയി ചെങ്ങഴശേരില് കുര്യാച്ചന്റെ മകന് അമല് കുര്യന് (25) ആണ് മരണമടഞ്ഞത്. സംഭവത്തില് എട്ട് പേര്ക്ക് പരിക്കേറ്റിട്ടുണ്ട്. ദുരന്തം നാടിനെ നടുക്കി.
അരുവിത്തുറ പുള്ളോലില് ജോസിന്റെ മകന് അലന് (17), മണിമല കരിക്കാട്ടൂര് സ്വദേശി ജോസ് (53) എന്നിവരെ കോട്ടയം മെഡിക്കല് കോളജ് ആശുപത്രിയിലും വൈക്കം പൊലീസ് സ്റ്റേഷനിലെ സീനിയര് സിവില് പൊലീസ് ഓഫീസര് മാത്യുവിനെ പാലാ ജനറല് ആശുപത്രിയും ചെമ്മണ്ണൂര് ആലുംമൂട്ടില് സിബിയുടെ മകന് അലന് (15), ഇടുക്കി മേരിഗിരി തൈപ്പറമ്പില് മധു (43), മേരിഗിരി തച്ചാംപറമ്പില് ജോണ്സണ് ഐസക്ക് (48), മേരിഗിരി തടപ്ലാക്കല് മെയ്ജോ (37), ഇടുക്കി പാണ്ടിപ്പാറതറയില് ബെന്നി (49) എന്നിവരെ പരുക്കുകളോടെ ഈരാറ്റുപേട്ട സ്വകാര്യ ആശുപത്രിയില് പ്രവേശിപ്പിച്ചു.
ഇന്നലെ രാത്രി പത്തരയോടെയാണ് അപകടമുണ്ടായത്. പള്ളിപ്പെരുന്നാളിനോട് അനുബന്ധിച്ച് മൂന്ന് സെറ്റ് വെടിക്കെട്ടാണ് ഉണ്ടായിരുന്നത്. അവസാന സെറ്റിന്റെ അവസാനഭാഗത്ത് കതിനാക്കുറ്റി മറിഞ്ഞ് ദിശതെറ്റി ആള്കൂട്ടത്തിലേക്ക് പാഞ്ഞുകയറുകയായിരുന്നു. പൊട്ടിത്തെറിച്ചതോടെ അടുത്തുണ്ടായിരിക്കുന്നവര്ക്ക് പരിക്കേറ്റു. മരിച്ച അമലിന്റെ അരയ്ക്കു താഴ്ഭാഗം അപകടത്തില് ചിതറിയിരുന്നു. കതിനാക്കുറ്റി മറിഞ്ഞതു കണ്ട് രക്ഷപ്പെടുന്നതിനായി ജനം വിരണ്ടോടുകയും ചെയ്തു. പൊലീസും നാട്ടുകാരും വൊളന്റിയര്മാരും ചേര്ന്നാണ് ്പരുക്കേറ്റവരെ ആശുപത്രിയില് എത്തിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha