ചെന്നിത്തലയെ മുഖ്യമന്ത്രിയാകാന് ചാണ്ടി അനുവദിക്കില്ല; നിയമസഭാ തിരഞ്ഞെടുപ്പ് നേരത്തെ വന്നേക്കും
മുഖ്യമന്ത്രിയാകാന് രമേശ് ചെന്നിത്തല ഓടി നടക്കുന്നതിനിടയില് ചെന്നിത്തല മുഖ്യമന്ത്രിയാവും മുമ്പ് തെരഞ്ഞെടുപ്പിലേക്ക് നീങ്ങാന് മുഖ്യമന്ത്രി ഉമ്മന്ചാണ്ടി ആലോചിക്കുന്നു. ഒരു കാരണവശാലും ചെന്നിത്തലയുടെ മോഹം സാക്ഷാത്ക്കരിച്ചു നല്കേണ്ടതില്ലെന്നാണ് ഉമ്മന്ചാണ്ടിയുടെ തീരുമാനം, നേരത്തെയും മുഖ്യമന്ത്രിയാവാന് രമേശ് ചെന്നിത്തല ചരടു വലിച്ചിരുന്നു.
സര്ക്കാരിനെതിരെ ആരോപണങ്ങള് ശക്തമായ പശ്ചാത്തലത്തിലാണ് മുഖ്യമന്ത്രിയെ മാറ്റാന് ഐ ഗ്രൂപ്പ് ശ്രമിക്കുന്നത്. നേരത്തെ യുഡിഎഫ് മന്ത്രിസഭയുടെ രണ്ടരകൊല്ലം തികയുമ്പോള് രമേശ് ചെന്നിത്തലയെ മുഖ്യമന്ത്രിയാക്കാന് ശ്രമം നടന്നിരുന്നു, എന്നാല് ശ്രമം പാളി പോയി.
രമേശ് ചെന്നിത്തലയുടെ തന്ത്രങ്ങളൊന്നും അംഗീകരിക്കില്ലെന്ന മട്ടില് തന്നെയാണ് ഉമ്മന്ചാണ്ടി നീങ്ങുന്നത്. ജനസമ്പര്ക്ക പരിപാടിയുടെ ലക്ഷ്യം തന്നെ തെരഞ്ഞെടുപ്പാണ്.
ഇതിനിടെ മന്ത്രി കെ ബാബുവിനെ ബാര്കേസില് വലിച്ചിഴച്ചതിനു പിന്നില് രമേശ് ചെന്നിത്തലയാണെന്ന അഭ്യൂഹവും ശക്തമായിട്ടുണ്ട്. ബാബുവിനെതിരെ ആരോപണം കൊണ്ടു വന്നത് രമേശിന്റെ അനുയായികളാണെന്ന് ഉമ്മന്ചാണ്ടിയും വിശ്വസിക്കുന്നു. ബിജു രമേശ് കോടതിയില് കൊടുത്ത രഹസ്യമൊഴി വിജിലന്സില് നിന്നാണ് ചോര്ന്നതെന്ന് എ വിഭാഗം ആരോപിക്കുന്നു. നേരത്തെ ചെന്നിത്തലയ്ക്കും പണം നല്കിയെന്ന് ബിജു പറഞ്ഞെങ്കിലും പിന്നീട് കാലുമാറി. ഇതിനു പിന്നിലും എ ഗ്രൂപ്പ്സ്വാധീനം സംശയിക്കുന്നു.
ഏതായാലും വരും ദിവസങ്ങളില് എഐ ഗ്രൂപ്പുകള് തമ്മിലുള്ള തര്ക്കം രൂക്ഷമാകും. അഴിമതി കേസുകളില് കുരുങ്ങിയ സര്ക്കാരിനെ രക്ഷിക്കണമെന്ന മുദ്രാവാക്യം ഐ ഗ്രൂപ്പ് മുന്നോട്ടു വയ്ക്കുമെങ്കിലും സര്ക്കാരിനു അഴിമതി പ്രതിച്ഛായ നല്കിയത് ഐ ഗ്രൂപ്പാണെന്ന് ഉമ്മന്ചാണ്ടി പക്ഷവും ആരോപിക്കുന്നു.
രമേശ് ചെന്നിത്തലയുടെ തന്ത്രങ്ങള് ഡല്ഹിയില് വിജയിക്കാന് സാധ്യത കാണുന്നില്ല. കാരണം ഉമ്മന്ചാണ്ടിയുടെ ജനപിന്തുണയെ കുറിച്ച് രാഹുലിനും സോണിയക്കും നല്ല മതിപ്പാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha