സിപിഎം സംസ്ഥാന കമ്മിറ്റി ഇന്ന്, യെച്ചൂരി പങ്കെടുക്കും, കേരളം സുപ്രധാന രാഷ്ട്രീയ മാറ്റങ്ങളിലേക്ക് കടക്കുന്നു
ജനറല് സെക്രട്ടറിയെന്ന നിലയില് കേരളത്തില് യെച്ചൂരി പങ്കെടുക്കുന്ന ആദ്യ സംസ്ഥാന സമിതി കമ്മിറ്റി ഇന്ന്. സിപിഎം സംസ്ഥാന സെക്രട്ടേറിയറ്റിനെ നിശ്ചയിക്കാന് പ്രതീക്ഷയോടെയാണ് കമ്മിറ്റി കൂടുന്നത്. യോഗത്തിനു വരേണ്ടതില്ല എന്നു നിശ്ചയിച്ചിരുന്ന യച്ചൂരി ഇന്നലെയാണു തീരുമാനം മാറ്റിയത്. യെച്ചൂരിയെ സ്വീകരിക്കാനുള്ള എല്ലാ ക്രമീകരണങ്ങളും ചെയ്യാന് കേന്ദ്രം സംസ്ഥാന നേതൃത്വത്തോടു ആവശ്യപ്പെട്ടു. പൊളിറ്റ് ബ്യൂറോ അംഗം എസ്. രാമചന്ദ്രന്പിള്ളയോടൊപ്പം രാത്രി യച്ചൂരി വിമാനമിറങ്ങി. ഇന്നത്തെ യോഗത്തിനു ശേഷം വൈകിട്ട് യച്ചൂരി കൊല്ക്കത്തയ്ക്കു പോകും.
രാമചന്ദ്രന് പിള്ളയ്ക്കു പകരം കേരള നേതൃത്വത്തിന്റെ താല്പര്യത്തിനു വിരുദ്ധമായാണു യെച്ചൂരി ജനറല് സെക്രട്ടറിയായത്. പാര്ട്ടി കോണ്ഗ്രസിനു ശേഷം ഇവിടെ ചേരുന്ന ആദ്യ സംസ്ഥാന കമ്മിറ്റി യോഗത്തില് യച്ചൂരി വിട്ടുനില്ക്കുകയും എസ്ആര്പി പങ്കെടുക്കുകയും ചെയ്യുന്നതു വ്യാഖ്യാനങ്ങള്ക്കു വഴിവയ്ക്കും എന്ന വീണ്ടുവിചാരത്തിന്റെ കൂടി അടിസ്ഥാനത്തിലാണ് യച്ചൂരിയുടെ സന്ദര്ശനം. ഇടത്പ്രസ്ഥാനത്തിന് കൂടുതല് ശക്തിനല്കാന് യെച്ചൂരിയുടെ സാന്നിധ്യം ഉപകരിക്കുമെന്നാണ് സൂചന. പുതിയ സംസ്ഥാന സെക്രട്ടേറിയറ്റിനെ നിശ്ചയിക്കാന് ഇന്നു രാവിലെ ജനറല് സെക്രട്ടറിയുടെ സാന്നിധ്യത്തില് പിബി അംഗങ്ങളുടെ യോഗം ചേരും. തുടര്ന്നു കേരളത്തിലെ കേന്ദ്ര കമ്മിറ്റി അംഗങ്ങള് കൂടി ഉള്പ്പെടുന്ന ചര്ച്ച ഉണ്ടാകും.
ഉച്ചയ്ക്കു ശേഷം എല്ഡിഎഫ് യോഗവും ചേരുന്നുണ്ട്. സംസ്ഥാന സര്ക്കാരിനെതിരായ പ്രക്ഷോഭങ്ങളാണ് അജന്ഡയിലുള്ളത്. കേരളം സുപ്രധാന രാഷ്ട്രീയ മാറ്റങ്ങളിലേക്ക് കടക്കുകയാണെന്ന് യെച്ചൂരി പറഞ്ഞു. ജനറല് സെക്രട്ടറിയായി ചുമതലയേറ്റ ശേഷം ആദ്യമായി സംസ്ഥാനത്ത് എത്തിയ അദ്ദേഹം തിരുവനന്തപുരം വിമാനത്താവളത്തില് മാദ്ധ്യമപ്രവര്ത്തകരോട് സംസാരിക്കുമ്പോഴായിരുന്നു ഇത്തരത്തിലൊരു മറുപടി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha