പിണറായിയെ വിമര്‍ശിച്ചതിന് വൈക്കം വിശ്വന്റെ പണിപോകും, പിണറായി വിജയനെ എല്‍ഡിഎഫ് കണ്‍വീനറാക്കാന്‍ കണ്ണൂര്‍ലോബി
പിണറായി വിജയനെ എല്‍ഡിഎഫ് കണ്‍വീനറാക്കാന്‍ സിപിഎമ്മിലെ കണ്ണൂര്‍ലോബിയുടെ ശ്രമം. ഇതിന്റെ മുന്നൊരുക്കമെന്ന നിലയിലാണ് കഴിഞ്ഞ ദിവസംകൂടിയ സംസ്ഥാന സെക്രട്ടറിയേറ്റ് അംഗങ്ങളുടെ ലിസ്റ്റില്‍ നിന്നും എല്‍ഡിഎഫ് കണ്‍വീനറായിരുന്ന വൈക്കം വിശ്വനെ ഒഴിവാക്കിയത്. ഇതുവരെ സിപിഎമ്മിന്റെ സംസ്ഥാന സെക്രട്ടറിയേറ്റിലുള്ള ആംഗമാണ് എല്‍ഡിഎഫ് കണ്‍വീനറായിരുന്നത്. സെക്രട്ടറിയേറ്റില്‍ നിന്നു ഒഴിവാക്കിയതിനാല്‍ ഉടന്‍ തന്നെ വൈക്കം വിശ്വന്‍ കണ്‍വീനര്‍ സ്ഥാനം രാജിവെക്കും. പിണറായിക്കുവേണ്ടി കണ്ണൂര്‍ലോബി നടത്തുന്ന ശ്രമങ്ങളാണ് ഇതിനു പിന്നില്‍.
പിണറായി മാത്രമല്ല സിപിഎമ്മില്‍ മറ്റും ചിലരും മുഖ്യമന്ത്രിയാകാന്‍ യോഗ്യതയുള്ളവരുണ്ടെന്ന് വൈക്കം വിശ്വന്‍ പരസ്യമായി പറഞ്ഞത് പിണറായി വിഭാഗത്തെ ചൊടിപ്പിച്ചിരുന്നു. സെക്രട്ടറിസ്ഥാനമൊഴിഞ്ഞ ശേഷം അദ്യമായിട്ട് പിണറായിക്കെതിരെ ഉയര്‍ന്ന ശബ്ദമാണ് വൈക്കംവിശ്വന്റേത്. ഈ പ്രസ്താവനയാണ് വൈക്കം വിശ്വനെ സെക്രട്ടറിയേറ്റ് അംഗത്തില്‍ നിന്ന് ഒഴിവാക്കാനുള്ള കാരണം. നിലവില്‍ സിപിഎം കേന്ദ്രകമ്മിറ്റി അംഗമാണ് വൈക്കം വിശ്വന്‍. അതുകൊണ്ട തന്നെ അദ്ദേഹത്തിന് സിപിഎം സെക്രട്ടറിയറ്റ് യോഗത്തില്‍ പങ്കെടുക്കാം. എന്നാല്‍ സെക്രട്ടറിയേറ്റിലില്ലാത്തതിനാല്‍ എല്‍ഡിഎഫ് കണ്‍വീനര്‍ സ്ഥാനം വൈക്കംവിശ്വന് ഒഴിയേണ്ടി വരും. ആരോഗ്യപരമായ കാരണങ്ങള്‍ പറഞ്ഞായിരിക്കും ഒഴിവാക്കുക. രാജിവെക്കാനായി വൈക്കംവിശ്വത്തിനുമേല്‍ കണ്ണൂര്‍ ലോബിയുടെ കടുത്ത സമ്മര്‍ദ്ദമുണ്ട്. വൈക്കം വിശ്വന്‍ സ്ഥാനമൊഴിഞ്ഞാല്‍ പിണറായി വിജയനെ അടുത്ത കണ്‍വീനറാക്കാനാണ് കണ്ണൂര്‍ ലോബിയുടെ ശ്രമം.
പോളിറ്റ്ബ്യൂറോ അംഗമായ പിണറായി സെക്രട്ടറിസസ്ഥാനമൊഴിഞ്ഞതോടെ സംസ്ഥാന രാഷ്ടീയത്തില്‍ തിളങ്ങാന്‍ അവസരമില്ലാതിരിക്കുകയായിരുന്നു. പിണറായി പദവി ഏറ്റെടുത്താല്‍ പഴയ പ്രതാപം വീണ്ടെടുക്കാമെന്നാണ് കണ്ണൂര്‍ലോബിയുടെ കണക്ക് കൂട്ടല്‍. മുഖ്യമന്ത്രി സ്ഥാനത്തേക്ക് പരിഗണിക്കുന്നതിന് പിണറായിക്ക് ഇത് മുതല്‍കൂട്ടാവും. കണ്‍വീനറാകുന്നതോടെ പിണറായിക്കുമേല്‍ ഉയരുന്ന വിമതസ്വരങ്ങള്‍ ഈ സ്ഥാനത്തിരുന്നുകൊണ്ട് അടിച്ചമര്‍ത്താന്‍ കഴിയുമെന്നും കണ്ണൂര്‍ലോബി വിശ്വസിക്കുന്നു. 2006ലാാണ് പാലോളി മുഹമ്മദ്കുട്ടിയില്‍ നിന്ന് വൈക്കം വിശ്വന്‍ എല്‍ഡിഎഫ് കണ്‍വീനര്‍ സ്ഥാനം എറ്റെടുക്കുന്നത്. ഒണ്‍പത് വര്‍ഷം തെറ്റുകളില്ലാതെ അദ്ദേഹം മുന്നണിയെ നയിച്ചു. പിണറായിയുടെ ധാര്‍ഷ്ഠ്യമാണ് ആര്‍എസ്പി,ജനതാദള്‍ അടക്കമുള്ള കക്ഷികള്‍ മുന്നണിവിടാന്‍ കാരണമെന്ന് വൈക്കം വിശ്വന്‍ വിശ്വസിച്ചിരുന്നു. ഇത് പാര്‍ട്ടിക്കുള്ളില്‍ അദ്ദേഹം പറയുകയും ചെയ്തിരുന്നു. ഇതിന്റെ ചുവട് പിടിച്ചാണ് പിണറായിക്കെതിരെ വിഎസ് അച്യുതാനന്ദന്‍ പോളിറ്റ്ബ്യുറോക്ക് കത്തെഴുതിയത്.
പിണറായി കണ്‍വീനര്‍ സ്ഥാനം ഏറ്റെടുക്കുന്നതോടെ എല്‍ഡിഎഫിലേക്ക് ചേക്കേറാനിരിക്കുന്ന ജനതാദള്‍ അടക്കമുള്ള കക്ഷികള്‍ ഓന്നുകൂടി ചിന്തിക്കും. ഇവരെ എല്‍ഡിഫില്‍ എടുക്കരുതെന്ന് വാദിക്കുന്നവരുടെ കൂട്ടത്തിലാണ് പിണറായി. എല്‍ഡിഎഫില്‍ ചേര്‍ന്നതിന് ശേഷമാണ് തങ്ങളുടെ പാര്‍ട്ടികള്‍ ജീര്‍ണിച്ചതെന്നും ഇതിന് കാരണം സിപിഎം സെക്രട്ടറിയായിരുന്ന പിണറായിയുരുന്നുവെന്നും ജെഡിയു നേതാവ് വിരേന്ദ്രകുമാര്‍ നേരത്തെതന്നെ മാധ്യമങ്ങളിലൂടെ പറഞ്ഞിട്ടുണ്ട്. ആര്‍എസ്പി പിണറായി വിജയനെ അംഗീകരിക്കാന്‍ തയ്യാറാവുകയുമില്ല. അതുകൊണ്ട് തന്നെ ഇത്തരം ചെറിയ പാര്‍ട്ടികള്‍ യുഡിഎഫിനകത്ത് നില്‍ക്കാനാണ് സാധ്യത. ഇത് നിലവിലെ രാഷ്ടീയ സാഹചര്യമനുസരിച്ച് യുഡിഎഫിന് ഗുണമാവുകയും ചെയ്യും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
