ഉമ്മന്ചാണ്ടി രാജിക്കൊരുങ്ങി, നേതൃമാറ്റമില്ല തിരഞ്ഞെടുപ്പെന്ന് ഭീഷണിയുമായി ഹൈക്കമാന്റും,കോണ്ഗ്രസിലെ ഗ്രൂപ്പ് പോരിന് താല്ക്കാലിക വെടിനിര്ത്തല്
കോണ്ഗ്രസില് നേതൃമാറ്റത്തെചൊല്ലിയുള്ള ഗ്രൂപ്പ്പോരിന് താല്ക്കാലിക വെടിനിര്ത്തല്. ഇനി പരസ്യമായി നേതൃമാറ്റം ആവശ്യപ്പെടേണ്ടെന്ന് ഐ ഗ്രൂപ്പ് യോഗം തീരുമാനിച്ചു. നേതൃമാറ്റം ആവശ്യപ്പെട്ട് ഗ്രൂപ്പ് പോര് മൂര്ച്ഛിച്ചപ്പോള് ഉമ്മന്ചാണ്ടി രാജിക്കൊരുങ്ങിയതായും റിപ്പോര്ട്ടുണ്ട്. എന്നാല് ഉമ്മന്ചാണ്ടി രാജിവെച്ച് സര്ക്കാരിന് നേതൃമാറ്റം ആവശ്യമില്ലെന്നും അങ്ങനെ വന്നാല് സംസ്ഥാനത്ത് പൊതുതിരഞ്ഞെടുപ്പ് നടത്തുമെന്ന് ഹൈക്കമാന്റ് അറിയിച്ചതും രമേശ് ചെന്നിത്തലയടക്കമുള്ള ഐ ഗ്രൂപ്പ് നേതാക്കളെ ഞെട്ടിച്ചു. ഹൈക്കമാന്റിന്റെ ഭാഗത്ത് നിന്ന് ഇത്തരമൊരു തീരുമാനം ഐ ഗ്രൂപ്പ് പ്രതീക്ഷിച്ചതുമില്ല. സര്ക്കാരിന്റെ പ്രവര്ത്തനവുമായി മുന്നോട്ടുപോകാനാണ് ഉമ്മന്ചാണ്ടിക്ക് ഹൈക്കമാന്റിന്റെ നിര്ദ്ദേശം.മാത്രമല്ല ഘടകകക്ഷികള് നേതൃമാറ്റത്തിന് എതിരുമാണ്. ഉമ്മന്ചാണ്ടിയുടെ നേതൃത്വത്തെ അംഗീകരിക്കുന്നവരാണ് കൂടുതല്. ഉമ്മന്ചാണ്ടിയുടെ നേതൃത്വത്തില് ഭരണം മുന്നോട്ട് പോകുന്നതാണ് നല്ലതെന്ന് ഘടകകക്ഷികള് ഹൈക്കമാന്റിനെ അറിയിച്ചതും ഐ ഗ്രൂപ്പിന് തിരിച്ചടിയായി.
ഇതിന്റെ അടിസ്ഥാനത്തിലാണ് പരസ്യമായി നേതൃമാറ്റം ആവശ്യപ്പെടേണ്ടെന്ന് ഐ ഗ്രൂപ്പ് തീരുമാനിച്ചത്. എന്നാല് സര്ക്കാരിന്റെ പ്രവര്ത്തനങ്ങള് അപ്പപ്പോള് ഹൈക്കമാന്റിനെ അറിയിക്കാനും ഐഗ്രൂപ്പ് നേതാക്കളുടെ യോഗം തീരുമാനിച്ചു. എന്നാല് വക്താക്കളുടെ പ്രസ്താവന കെപിസിസിയുടെ അഭിപ്രായമല്ലെന്ന് പ്രസിഡന്റ് വിഎം സുധീരന് പറഞ്ഞു. വക്താക്കള് അഭിപ്രായം പറയുബോള് അത് കെപിസിസിയുമായി ആലോചിക്കുന്നതാണ് കീഴ്വഴക്കമെങ്കിലും ഇപ്പോള് ഇത് ചെയ്യാറില്ലെന്നും ഇതിനെക്കുറിച്ച് ആലോചിച്ച് നടപടിയെടുക്കുമെന്നും വിഎം സുധീരന് പറഞ്ഞു.
സര്ക്കാരിലും യുഡിഎഫിലും നേതൃമാറ്റം വേണമെന്ന് ആവശ്യം കുറച്ച് നാളായി രമേശ് ചെന്നിത്തലയുടെ നേതൃത്വത്തിലുള്ള ഐ ഗ്രൂപ്പ് നേതാക്കള് ഉന്നയിക്കുകയായിരുന്നു. ഇതിന് ഉമ്മന്ചാണ്ടിയുടെ നേരെ ഉയരുന്ന ആരോപണങ്ങളാണ് രമേശ് ചെന്നിത്തല ഉയര്ത്തികാട്ടിയത്. സോളാര്ക്കേസ്, സരിതയുമായിട്ടുള്ള ബന്ധം, സലിം രാജിനെ സംരക്ഷിക്കല്, മന്ത്രി കെ ബാബു അടക്കമുള്ളവര്ക്ക് നേരെയുണ്ടായ ആരോപണം, സുധീരനെ തോല്പ്പിക്കാന് ബാര്പ്രശ്നം ഇത്ര വശളാക്കിയത് എന്നിങ്ങനെ നിരവധി കാരണങ്ങളാണ് ഉമ്മന്ചാണ്ടിക്കെതിരെ ഐ ഗ്രൂപ്പ് ഉന്നയിക്കുന്നത്. മാത്രമല്ല യുഡിഎഫിലെ മറ്റ് മുന്നണികള ഏെകോപിപ്പിക്കുന്നതില് മുഖ്യമന്ത്രി പരാജയപ്പെട്ടെന്നും ഐ ഗ്രൂപ്പ് ആരോപിക്കുന്നു. ഇതിനകം തന്നെ ഉമ്മന്ചാണ്ടിയുടെ തെറ്റായ തീരുമാനങ്ങലെക്കുറിച്ച് രമശ് ചെന്നിത്തല രണ്ട് പ്രാവിശ്യം ഹൈക്കമാന്റിനുമുന്നില് പരാതി പറഞ്ഞിട്ടുണ്ട്.
രമേശ് ചെന്നിത്തലയ്ക്കെതിരെയും ഡല്ഹിയില് പോകുബോഴെല്ലം ഉമ്മന്ചാണ്ടിയും പരാതി ഉന്നയിക്കും. കോണ്ഗ്രസില് ഗ്രൂപ്പ് പോരുണ്ടാക്കുന്നത് രമേശ് ചെന്നിത്തലയെന്നാണ് ഉമ്മന്ചാണ്ടിയുടെ പരാതി. ബാര്കോഴയടക്കുമുള്ള വിഷയങ്ങള് ഇത്ര വശളാക്കിയത് രമേശ് ചെന്നിത്തലയാണെന്നും എ ഗ്രൂപ്പ് മന്ത്രിമാരെ തിരഞ്ഞുപിടിച്ച് കേസില്പ്പെടുത്താല് രമേശ് ചെന്നിത്തല ശ്രമിക്കുകയാമെന്നും എ ഗ്രൂപ്പ് ആരോപിക്കുന്നു. എന്നാല് സര്ക്കാരിന് കൂട്ടുത്തരവാദിത്വം നഷ്ടപ്പെട്ടാല് താന് രാജിവെക്കുമെന്ന് ഉമ്മന്ചാണ്ടി ഹൈക്കമാന്റിനേയും കെപിസിസിയെയും അറിയിച്ചതാണ് ഇപ്പോഴത്തെ താല്ക്കാലിക വെടി നിര്ത്തലിന് ഐ ഗ്രൂപ്പിനെ പ്രേരിപ്പിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha