അറസ്റ്റ് പേടിച്ച് മുങ്ങി... ചേദ്യം ചെയ്യലിന് എത്താമെന്ന് സമ്മതിച്ച് കവിതാപിള്ള വിജിലന്സിനെ പറ്റിച്ചു
വിജിലന്സിനെ പറ്റിച്ച് കവിതാ പിള്ള വിദഗ്ദ്ധമായി മുങ്ങി. കൊച്ചിയിലെ മയക്കുമരുന്നു കേസ് അട്ടിമറി സംബന്ധിച്ചു ചോദ്യംചെയ്യലിനാണ് കവിതാ പിള്ള ഹാജരാകേണ്ടിയിരുന്നത്. എന്നാല് വിജിലന്സിന്റെ നിര്ദ്ദേശം അവഗണിച്ച് പ്രതി കവിതാപിള്ള മുങ്ങി. ഇതോടെ ഇവരെ അറസ്റ്റ് ചെയ്യാന് അന്വേഷണസംഘം വിജിലന്സ് ഡയറക്ടറുടെ അനുമതി തേടി.
കഴിഞ്ഞ വെള്ളിയാഴ്ച ഹാജരാകാന് നേരത്തേ അന്വേഷണസംഘം കവിതയോടു നിര്ദേശിച്ചിരുന്നു. എന്നാല്, ഒരു കേസുമായി ബന്ധപ്പെട്ട് അന്നു കോടതിയില് പോകേണ്ടതിനാല് തിങ്കളാഴ്ച ഹാജരാകാമെന്ന് അവര് അറിയിച്ചു. കേസില് അറസ്റ്റ് ഉണ്ടായേക്കുമെന്ന സൂചന ലഭിച്ചതോടെയാണു കവിത ഇന്നലെ ഹാജരാകാതെ ഒളിവില്പോയത്.
ഷാഡോ പൊലീസ് പിടികൂടി കളമശ്ശേരി സ്റ്റേഷനിലെത്തിച്ച പ്രതികളില്നിന്ന്, കവിതാപിള്ളയുടെ ഇടനിലയില്, ചില പൊലീസ് ഉദ്യോഗസ്ഥര് പണം വാങ്ങി മയക്കുമരുന്നു കേസ് അട്ടിമറിച്ചെന്നാണ് ആരോപണം. ഇതുസംബന്ധിച്ചു കളമശ്ശേരി സ്റ്റേഷനിലെ ഗ്രേഡ് എസ്.ഐ. പൗലോസ്, എഎസ്ഐ. രാജന്, പൊലീസുകാരായ ഷാന്റോ, സനല് എന്നിവര്ക്കെതിരേയാണ് അന്വേഷണം. മെഡിക്കല് പ്രവേശന തട്ടിപ്പുക്കേസിലെ പ്രതിയായ കവിതാപിള്ള ജാമ്യം എടുത്തതിന് ശേഷമാണ് പൊലീസുകാരുമായി അടുപ്പത്തിലായതും. തട്ടിപ്പിന്റെ പുതിയ രീതി കണ്ടെത്തിയതും.
കവിതാപിള്ള ഉള്പ്പെട്ട ഇടനില റാക്കറ്റ് കേസുമായി ബന്ധപ്പെട്ടു നാല് പൊലീസുകാരെ സസ്പെന്ഡ് ചെയ്തിരുന്നു. കേസില് ആരോപണമുയര്ന്ന ഏഴുപേരില് നാലുപേരെയാണ് സസ്പെന്ഡ് ചെയ്തത്. മുമ്പ് പൊലീസുകാര്ക്ക് എതിരെ ഉയര്ന്ന ആരോപണങ്ങളെ കുറിച്ച് അന്വേഷിച്ച് റിപ്പോര്ട്ട് സമര്പ്പിക്കാന് ആഭ്യന്തരമന്ത്രി രമേശ് ചെന്നിത്തല ഉത്തരവ് പുറപ്പെടുവിച്ചിരുന്നു. തുടര്ന്ന് കൊച്ചി ഡി.സി.പി. സമര്പ്പിച്ച റിപ്പോര്ട്ടിന്റെ അടിസ്ഥാനത്തിലായിരുന്നു സസ്പെന്ഷന്. ഗ്രേഡ് എസ്.ഐ. പൗലോസ്, എഎസ്ഐ. രാജന്, പൊലീസുകാരായ ടിന്റോ, സനല് എന്നിവര്ക്കെതിരെയായിരുന്നു സസ്പെന്ഷന്.
കവിതാപിള്ള ഉള്പ്പെട്ട റാക്കറ്റ് പണം വാങ്ങി പല കേസുകളും ഒതുക്കി തീര്ക്കുന്നതായി മുമ്പ് ആരോപണങ്ങള് ഉയര്ന്നിരുന്നു. വിജിലന്സ് കൊച്ചി യൂണിറ്റ് എസ്പി. വിജിലന്സ് ഡയറക്ടര്ക്ക് സമര്പ്പിച്ച റിപ്പോര്ട്ടില് ഇത് സംബന്ധിച്ച വിശദമായ പരാമര്ശങ്ങളും ഉണ്ടായിരുന്നു. 11 യുവാക്കള് ഉള്പ്പെട്ട ലഹരി മരുന്നു കേസില് കവിതാപിള്ള ഉള്പ്പെട്ടതായി റിപ്പോര്ട്ടില് വ്യക്തമാക്കുന്നു. ഇത് തെളിയിക്കുന്ന ഫോണ് രേഖകകളും റിപ്പോര്ട്ടിലുണ്ട്.സസപെന്ഷന് ലഭിച്ച കളമശേരി സ്റ്റേഷനിലെ ഗ്രേഡ് എസ്.ഐ. പൗലോസ് അടക്കമുള്ളവരുടെ പങ്ക് റിപ്പോര്ട്ടില് സൂചിപ്പിച്ചിരുന്നു. ഇതേ തുടര്ന്നാണ് കവിതയെ പിടികൂടാനിരുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha