സുഹൃത്തുക്കള് ഒപ്പം ഇല്ലാതെ അബിന്റെ മടക്കയാത്ര കണ്ണീരില്ക്കുളിച്ച്
പോയത് ഒന്നിച്ചെങ്കിലും വിധി മടങ്ങിവരാന് അവസരം നല്കിയത് അബിനു മാത്രം. ഭൂകമ്പത്തില് മരിച്ച ഡോക്ടര് ഇര്ഷാദും ദീപക്കും അബിനും ഉറ്റ സുഹൃത്തുക്കളായിരുന്നു. ശനിയാഴ്ച ഉച്ചയ്ക്കു ഭൂകമ്പമുണ്ടായപ്പോള് ഇവര് ബജറ്റ് ഇന്റര്നാഷനല് ഹോട്ടലിലായിരുന്നു. ഏതാനും മണിക്കൂറുകള്ക്കുശേഷം അബിനെ രക്ഷാപ്രവര്ത്തകര് ത്രിഭുവന് ആശുപത്രിയില് എത്തിച്ചു. എയിംസിലെ ട്രോമാ കെയര് സെന്ററിലാണ് അബിന് ഇപ്പോള്. അബിനൊപ്പം ഭൂകമ്പത്തില് പെട്ട മറ്റ് രണ്ട് മലയാളിഡോക്ടര്മാരും മരിച്ചതായി സ്ഥിരീകരിച്ചു. ഡോ.ഇര്ഷാദിന്റെയും ഡോ ദീപകിന്റെയും മൃതദേഹങ്ങള് കാഠ്മണ്ഡുവിലെ ആശുപത്രിയിലാണ് ഉള്ളത്. ഇന്ന് രാത്രിയോടെ നാട്ടിലെത്തിക്കും. അതേസമയം, ദുബായില്നിന്നു നേപ്പാളിലേക്കുപോയ ആറംഗസംഘത്തിലെ മലയാളികള് സുരക്ഷിതരാണെന്ന് കുടുംബങ്ങള്ക്കു വിവരം ലഭിച്ചു.
നേപ്പാളില്നിന്ന് വ്യോമസേനാ വിമാനത്തില് ഇന്ന് രാവിലെയാണ് അബിനെ കൊണ്ടുവന്നത്. വൃക്കകള്ക്ക് പരിക്കേറ്റ അബിന്, ഡല്ഹി എയിംസില് തുടര്ചികില്സ നല്കും. ഡല്ഹിയില് ചികില്സയിലുള്ള അബിന് അരയ്ക്കു താഴെയാണു പരുക്ക്. വൃക്കകളുടെ പ്രവര്ത്തനത്തിലും തകരാറുണ്ടെന്നു ഡോക്ടര്മാര് പറയുന്നു. മുഖ്യമന്ത്രി ഉമ്മന് ചാണ്ടി അബിനുമായി ഫോണില് സംസാരിച്ചിരുന്നു. അബിനൊപ്പം നേപ്പാളിലേക്ക് പുറപ്പെട്ട ഡോ. എ.എസ്. ഇര്ഷാദും ദീപക് കെ. തോമസും ഭൂകമ്പത്തില് മരിച്ചിരുന്നു. ഡല്ഹിക്കാരായ രണ്ട് ഉത്തരേന്ത്യന് സുഹൃത്തുക്കള്ക്കൊപ്പമാണു ദീപകും ഇര്ഷാദും അബിനും ശനിയാഴ്ച രാവിലെ കഠ്മണ്ഡുവിലെത്തിയത്.
രാവിലെ അഞ്ചുമണിയോടെ വ്യോമസേന വിമാനത്തിലാണ് അബിനെ എത്തിച്ചത്. വിമാനത്താവളത്തില് ബന്ധുക്കളോടും സുഹൃത്തുക്കളോടും അബിന് സംസാരിച്ചു. തുടര് ചികില്സയ്ക്കായി എയിംസിലെ ട്രോമ കെയര് യൂണിറ്റിലേക്ക് മാറ്റി.
കോഴിക്കോട് മെഡിക്കല് കോളേജില് 2007ല് എം.ബി.ബി.എസ്സിനു ചേര്ന്നപ്പോള്മുതല് ഉറ്റചങ്ങാതിമാരാണ് ദീപക്കും ഇര്ഷാദും അബിനും. 2013ല് പഠനംകഴിഞ്ഞ് അബിന് സൂരിയും ഇര്ഷാദും മാനന്തവാടിയിലെ വയനാട് ജില്ലാ ആശുപത്രിയിലാണ് ഡോക്ടര്മാരായി സേവനംതുടങ്ങിയത്. ദീപക് തോമസ് മാനന്തവാടി എടവക പ്രഥമികാരോഗ്യകേന്ദ്രത്തിലും. മൂവര്ക്കും എം.ഡി.ക്ക് പ്രവേശനംകിട്ടിയിരുന്നു. മെയ് ഒന്നിനു ക്ലാസ് തുടങ്ങാനിരിക്കെ നേപ്പാളും കുളു മണാലിയും കാണാന്പോയതായിരുന്നു ഇവര്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha