വിഴിഞ്ഞം കേരളത്തിന്റെ സ്വപ്ന പദ്ധതിയാണെന്നും അതിന് തുരങ്കംവയ്ക്കാന്‍ ആരെയും അനുവദിക്കില്ലെന്നും മുഖ്യമന്ത്രി ഉമ്മന്‍ ചാണ്ടി. പദ്ധതിയ്ക്കായി ഒരു മലേഷ്യന്‍ കമ്പനിയും ടെന്‍ഡര്‍ സമര്‍പ്പിച്ചുവെന്ന വാര്‍ത്തകളോട് പ്രതികരിക്കുകയായിരുന്നു മുഖ്യമന്ത്രി.വിഴിഞ്ഞത്തിനായി സര്‍ക്കാര്‍ ഒരു തവണയല്ല മൂന്ന് തവണയാണ് ടെന്‍ഡര്‍ ക്ഷണിച്ചത്. അപ്പോഴൊന്നും രംഗത്തില്ലാത്തവര്‍ പിന്നീട് എത്തുന്നത് മനപൂര്‍വം തടസങ്ങള്‍ സൃഷ്ടിക്കാനാണ്. സംസ്ഥാനത്തിന്റെ താത്പര്യം പൂര്‍ണമായി സംരക്ഷിച്ച് തന്നെ വിഴിഞ്ഞം പദ്ധതി നടപ്പാക്കുമെന്നും മുഖ്യമന്ത്രി കൂട്ടിച്ചേര്‍ത്തു.

ആറന്മുള വിമാനത്താവളത്തിനായി യുഡിഎഫ് സര്‍ക്കാര്‍ ഒന്നും ചെയ്തിട്ടില്ല. കഴിഞ്ഞ സര്‍ക്കാരാണ് പദ്ധതിക്ക് അനുമതി നല്കിയത്. അതിനെ എതിര്‍ക്കേണ്‌ടെന്ന് യുഡിഎഫ് സര്‍ക്കാര്‍ തീരുമാനിച്ചു. വിമാനത്താവളത്തിന് കേന്ദ്ര സര്‍ക്കാരിന്റെ അനുമതി വാങ്ങിയെടുക്കേണ്ടത്. ബാധ്യത കെജിഎസ് ഗ്രൂപ്പിനാണെന്നും അനുമതി ലഭിച്ചാല്‍ മറ്റ് നടപടികള്‍ സംസ്ഥാന സര്‍ക്കാര്‍ സ്വീകരിക്കുമെന്നും മുഖ്യമന്ത്രി വ്യക്തമാക്കി. ബാര്‍ കോഴയുമായി ബന്ധപ്പെട്ട് മന്ത്രി കെ.എം.മാണിയുടെ വീട്ടില്‍ വിജിലന്‍സ് പരിശോധന നടത്തിയ കാര്യം തനിക്ക് അറിയില്ല. വിജിലന്‍സ് അന്വേഷണത്തില്‍ ഒരു ഇടപെടലും നടത്താറില്ലെന്നും മുഖ്യമന്ത്രി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha