ബാര് കേസ്: ഇടക്കാല ഉത്തരവ് ഉടനില്ല; സത്യവാംഗ്മൂലം സമര്പ്പിക്കാന് സമയം വേണമെന്നു ബാറുടമകള്
സംസ്ഥാന സര്ക്കാരിന്റെ മദ്യനയം അംഗീകരിച്ച ഹൈക്കോടതി വിധിക്കെതിരെ ബറുടമകള് സമര്പ്പിച്ച ഹര്ജിയില് സുപ്രീംകോടതിയുടെ ഇടക്കാല ഉത്തരവ് ഉടനുണ്ടാകില്ല. കേസില് സത്യവാംഗ്മൂലം സമര്പ്പിക്കാന് കൂടുതല് സമയം അനുവദിക്കണമെന്നു ബാറുടമകള് ആവശ്യപ്പെട്ടു. ജൂലൈ പത്തുവരെ കോടതി ഇതിനായി സമയമനുവദിച്ചു. ഹൈക്കോടതി വിധിക്കെതിരേ സുപ്രീംകോടതി ഇടക്കാല ഉത്തരവു പുറപ്പെടുവിക്കണമെന്നായിരുന്നു ബാറുടമകളുടെ ആവശ്യം.
ജസ്റ്റീസ് അനില് ആര്. ദവെ അധ്യക്ഷനായ ബെഞ്ചാണു കേസ് പരിഗണിച്ചത്. രാവിലെ കേസ് പരിഗണിച്ചപ്പോള് ബെഞ്ചില് വ്യത്യസ്ത നിരീക്ഷണങ്ങളുണ്ടായിരുന്നു. ബാറുകളെ എന്തിനു തരം തിരിക്കുന്നുവെന്നു ജസ്റ്റീസ് അനില് ആര്. ദവെ ചോദിച്ചപ്പോള് മദ്യനയത്തില് ഇടപെടാനാകില്ലെന്ന നിലപാടാണു മറ്റൊരു ജഡ്ജിയായ ഗോപാല്ഗൗഡ സ്വീകരിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ് ബുക്ക് Like ചെയ്യുക
https://www.facebook.com/Malayalivartha