ദേശീയ റോഡ് ഗതാഗത സുരക്ഷ ബില്‍ നടപ്പാക്കരുതെന്ന് ആവശ്യപ്പെട്ടു കേന്ദ്ര ട്രേഡ് യൂണിയനുകള്‍ സംയുക്തമായി നടത്തുന്ന 24 മണിക്കൂര്‍ വാഹനപണിമുടക്ക് സംസ്ഥാനത്ത് പൂര്‍ണ്ണം. ഇന്നു അര്‍ധരാത്രി ആരംഭിച്ച പണിമുടക്കില്‍ ഓട്ടോറിക്ഷ, ടാക്‌സി, ടെമ്പോ, ട്രക്കര്‍, ലോറി, മിനിലോറി, സ്വകാര്യബസ് തൊഴിലാളികളും പങ്കെടുക്കുന്നു. കെ.എസ്.ആര്‍.ടി.സി ജീവനക്കാരും പണിമുടക്കില്‍ പങ്കെടുക്കുന്നുണ്ട്. സര്‍വീസുകള്‍ മുടങ്ങിതോടെ ജനജീവിതത്തെ ബാധിച്ചു. പലയിടങ്ങളിലും ഹര്‍ത്താലിന്റെ പ്രതീതിയാണ്. നഗരങ്ങളില്‍ ഹോട്ടലുകള്‍ അടക്കം മിക്ക കടകളും അടഞ്ഞുകിടക്കുകയാണ്.
സ്വകാര്യവാഹനങ്ങള്‍ പതിവുപോലെ നിരത്തിലിറങ്ങിയിട്ടുണ്ട്. സമരക്കാര്‍ സ്വകാര്യ വാഹന ഉടമകളുടെ പിന്തുണ അഭ്യര്‍ഥിച്ചിട്ടുണ്ടെങ്കിലും നിരത്തിലിറങ്ങുന്നവയെ തടയുന്നില്ല. പാല്‍, പത്രം, ആശുപത്രി തുടങ്ങിയ സേവനങ്ങള്‍ക്കും വിവാഹങ്ങള്‍ക്കുമുള്ള വാഹനങ്ങളെ ഒഴിവാക്കിയിട്ടുണ്ട്. പൂരം പ്രമാണിച്ച് തൃശൂര്‍ നഗരസഭയെ പണിമുടക്കില്‍ നിന്ന് ഒഴിവാക്കി.
വാഹനപണിമുടക്ക് പ്രമാണിച്ച് വിവിധ സര്‍വകലാശാലകള്‍ ഇന്നു നടത്താനിരുന്ന പരീക്ഷാള്‍ മാറ്റിവച്ചു. കേരള സര്‍വകലാശാല ഇന്ന് നടത്താനിരുന്ന എല്ലാപരീക്ഷകളും മാറ്റി. അതേസമയം കാലിക്കറ്റ് സര്‍വകലാശാലയുടെ പരീക്ഷകള്‍ക്ക് മാറ്റമില്ല. പത്തനംതിട്ടയില്‍ മുഖ്യമന്ത്രിയുടെ ജനസമ്പര്‍ക്ക പരിപാടി നടക്കുന്നതിനാല്‍ റാന്നി, കോഴഞ്ചേരി, തിരുവല്ല, പന്തളം, അടൂര്‍ എന്നിവിടങ്ങളില്‍ നിന്ന് പത്തനംതിട്ടയിലേക്ക് പോലീസ് സുരക്ഷയില്‍ കെ.എസ്.ആര്‍.ടി.സി സര്‍വീസ് നടത്തും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha