കരിപ്പൂരില്‍ അറ്റകുറ്റപ്പണി: ഇന്നുമുതല്‍ വലിയ വിമാനങ്ങള്‍ കൊച്ചിയിലേക്ക്
കോഴിക്കോട് വിമാനത്താവളത്തില്‍ റണ്‍വേ അറ്റകുറ്റപ്പണികള്‍ നടക്കുന്നതിനാല്‍ അവിടെ നിന്ന് എയര്‍ഇന്ത്യ, സൗദി അറേബ്യന്‍ എയര്‍ലൈന്‍സ്, എത്തിഹാദ് എന്നീ വിമാനക്കമ്പനികള്‍ വലിയ വിമാനങ്ങളുപയോഗിച്ചു നടത്തുന്ന സര്‍വീസുകള്‍ കൊച്ചിയിലേക്കു മാറ്റി. എയര്‍ഇന്ത്യയുടെയും സൗദിയയുടെയും ബോയിങ് 777, 747 വിമാനങ്ങള്‍ ഇന്നു മുതലും എത്തിഹാദിന്റെ എയര്‍ബസ് എ 319, 320, 330 വിമാനങ്ങള്‍ നടത്തുന്ന സര്‍വീസുകള്‍ 15 മുതലുമാണ് കൊച്ചിയിലേക്കു മാറ്റിയത്. എയര്‍ഇന്ത്യയുടെ റിയാദ് വിമാനം ചൊവ്വ, വ്യാഴം, ഞായര്‍ ദിവസങ്ങളില്‍ രാത്രി 10.55ന് കൊച്ചിയിലെത്തി പിറ്റേന്ന് പുലര്‍ച്ചെ രണ്ടിന് മടങ്ങും. ജിദ്ദ വിമാനം ഞായര്‍, തിങ്കള്‍, ബുധന്‍, വ്യാഴം, ശനി ദിവസങ്ങളില്‍ രാവിലെ 7.05ന് കൊച്ചിയിലെത്തി വൈകിട്ട് 6.30ന് മടങ്ങും. സൗദി എയര്‍ലൈന്‍സിന്റെ ജിദ്ദ വിമാനം തിങ്കള്‍, ബുധന്‍, വെള്ളി ദിവസങ്ങളില്‍ 11.45ന് കൊച്ചിയിലെത്തി ഉച്ചയ്ക്ക് 1.30ന് മടങ്ങും. റിയാദ് വഴിയാണ് ഈ സര്‍വീസ്. ജിദ്ദയില്‍ നിന്നും ദമാം വഴിയുള്ള സര്‍വീസും ചൊവ്വ, വ്യാഴം, ശനി ദിവസങ്ങളില്‍ നേരിട്ടുള്ള സര്‍വീസുകളും ഇതേ സമയത്തു തന്നെ നടത്തും. എത്തിഹാദിന്റെ അബുദാബി വിമാനം ദിവസവും രാവിലെ 7.40ന് കൊച്ചിയിലെത്തും. 8.30ന് ഇവിടെ നിന്നും മടങ്ങും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
