കളമശ്ശേരി ഭൂമി തട്ടിപ്പില് ബ്രയിന് മാപ്പിങിന് സൂരജ് വരില്ല; സലിംരാജിനെപ്പോലെ നുണപരിശോധനയ്ക്കില്ലെന്ന് മുന് പൊതുമരാമത്ത് സെക്രട്ടറി
കളമശ്ശേരി ഭൂമിതട്ടിപ്പ് കേസില് നുണപരിശോധനക്ക് തയ്യാറല്ലെന്ന് ടി ഒ സൂരജ്. എറണാകുളം സിജെഎം കോടതിയിലാണ് ഈ വിവരം അറിയിച്ചത്. നുണപരിശോധന ആവശ്യപ്പെട്ട് സിബിഐ ആണ് അപേക്ഷ നല്കിയത്.സിബിഐ സമര്പ്പിച്ച അപേക്ഷയില് സൂരജ് സത്യവാങ്മൂലം നല്കുകയായിരുന്നു.
മുഖ്യമന്ത്രിയുടെ ഗണ്മാനായിരുന്ന സലിംരാജ് പ്രതിയായ കളമശ്ശേരി ഭൂമിതട്ടിപ്പ് കേസില് സൂരജും സംശയത്തിന്റെ നിഴലിലായിരുന്നു . കേസില് സിബിഐ സൂരജിനെ ചോദ്യം ചെയ്തിരുന്നു. വിജലന്സ് അന്വേഷണത്തില് സൂരജിന് 183 കോടി രൂപയുടെ അനധികൃത സ്വത്തുണ്ടെന്ന് കണ്ടെത്തിയിരുന്നു.
കളമശ്ശേരി ഭൂമി തട്ടിപ്പുകേസില് മറ്റുപ്രതികളുടെ പങ്കാളിത്തം പുറത്തുകൊണ്ടുവരാന് സൂരജിനെ പോളിഗ്രാഫ് ടെസ്റ്റിന് വിധേയമാക്കണമെന്നായിരുന്നു സിബിഐയുടെ ആവശ്യം. പോളിഗ്രാഫ്, ബ്രെയിന് മാപ്പിങ്, നാര്ക്കോ അനാലിസിസ് തുടങ്ങിയ ശാസ്ത്രീയ പരിശോധനകള്ക്കായിരുന്നു നീക്കം. സൂരജ് ലാന്ഡ് റവന്യൂ കമീഷണറായിരിക്കെയാണ് ഭൂമി തട്ടിപ്പ് നടന്നത്. കേസുമായി ബന്ധപ്പെട്ട് സിബിഐ നേരത്തേ സൂരജിനെ ചോദ്യം ചെയ്തിരുന്നു.
സലിംരാജ് പ്രതിയായ കളമശ്ശേരി ഭൂമിതട്ടിപ്പ് കേസില് സൂരജിന്റെ പങ്കിനെക്കുറിച്ച് ലാന്റ് റവന്യൂ പ്രിന്സിപ്പല് സെക്രട്ടറിയായിരുന്ന കമലവര്ധനറാവു ഹൈക്കോടതിയില് സമര്പ്പിച്ച റിപ്പോര്ട്ടില് ചൂണ്ടിക്കാണിച്ചിരുന്നു. കളമശ്ശേരി ഭൂമിതട്ടിപ്പ് കേസ് ഹൈക്കോടതി ഇന്ന് പരിഗണിക്കാനിരിക്കെയാണ് സിബിഐയുടെ ചോദ്യംചെയ്യല്. കളമശ്ശേരി തൃക്കാക്കര നോര്ത്ത് വില്ലേജിലെ പത്തടിപ്പാലം സ്വദേശി എന്.എ. ഷറീഫയുടെ 25 കോടിയോളം രൂപ വിലവരുന്ന ഭൂമി തട്ടിയെടുക്കാന് ശ്രമിച്ച കേസ് കോടതിയുടെ പരിഗണനയിലിരിക്കെ 2012 ലാണ് ലാന്റ് റവന്യൂ കമ്മീഷണറായിരുന്ന സൂരജ് വിവാദഭൂമിയുടെ പോക്കുവരവ് റദ്ദാക്കിക്കൊണ്ട് ഉത്തരവ് ഇറക്കിയത്.
സലിംരാജിന് സൂരജ് കൂട്ടുനില്ക്കുകയായിരുന്നു. തണ്ടപ്പേര് തിരുത്തി ഭൂമി തട്ടിയെടുക്കാന് സലിംരാജ് ഭരണതലത്തില് സ്വാധീനിച്ചിരുന്നുവെന്നും പരാതിക്കാരിയായ എന്.എ. ഷെറീഫയും മക്കളായ നാസറും നൗഷാദും ആരോപിച്ചിരുന്നു. ഭൂമിയുടെ ഉടമസ്ഥത തീരുമാനിക്കേണ്ടത് സിവില് കോടതിയാണെന്നിരിക്കെ ബന്ധപ്പെട്ടവരുടെ വാദംപോലും കേള്ക്കാതെ ഉന്നതസ്വാധീനത്തിന് വഴങ്ങി സൂരജ് ഭൂമിതട്ടിപ്പിന് കൂട്ടുനില്ക്കുകയായിരുന്നുവെന്ന് ആരോപണമുയര്ന്നിരുന്നു.
മുഖ്യമന്ത്രിയുടെ മുന് ഗണ്മാനായ സലിംരാജ്, അബ്ദുല് മജീദ്, എറണാകുളം കലക്ടറേറ്റിലെ ലാന്ഡ് റവന്യൂ സെക്ഷനിലെ യു.ഡി.സി ഗീവര്ഗീസ് എന്നിവരെയും ശാസ്ത്രീയ പരിശോധനക്ക് വിധേയമാക്കാന് ശ്രമിച്ചെങ്കിലും ഇവര് അനുമതി നല്കാത്തതിനെ തുടര്ന്ന് സിബിഐ നീക്കം പരാജയപ്പെട്ടിരുന്നു. സലിംരാജിന്റെ മൊബൈല് സംഭാഷണങ്ങളുടെ വിശദാംശങ്ങള് പിടിച്ചച്ചെടുക്കാനുള്ള സിബിഐയുടെ നീക്കവും പാളി.
കളമശ്ശേരിയിലെ ഭൂമി സലിംരാജിന്റെ ബന്ധുക്കള്ക്ക് കൈമാറാന് ഉദ്യോഗസ്ഥതലത്തില് ഗൂഢാലോചന നടന്നിട്ടുണ്ടോയെന്ന കാര്യമാണ് സിബിഐ അന്വേഷിക്കുന്നത്. അനധികൃത സ്വത്ത് സമ്പാദനക്കേസില് വിജിലന്സ് റിപ്പോര്ട്ടിന്റെ അടിസ്ഥാനത്തില് പൊതുമരാമത്ത് വകുപ്പ് സെക്രട്ടറിസ്ഥാനത്തുനിന്നും സൂരജിനെ സസ്പെന്റ് ചെയ്തിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha