തന്നെ ഹോട്ടല്‍ മുറിയില്‍ പീഡിപ്പിച്ചെന്ന പരാതിയുമായി ബോളിവുഡ് താരം ഖുഷി മുഖര്‍ജി. വെള്ളിയാഴ്ച രാത്രിയില്‍ ഹോട്ടല്‍ മുറിയിലാണ് താന്‍ പീഡനത്തിനിരയാതെന്ന് താരം ആരോപിച്ചു.
പുതിയ സിനിമയുടെ ഷൂട്ടിംഗുമായി ബന്ധപ്പെട്ട് ഭോപ്പാലിലുള്ള ഖുഷി ഹോട്ടലില്‍ ഉറങ്ങുമ്പോള്‍ ജീവനക്കാരില്‍ ഒരാള്‍ മുറിക്കകത്തേക്ക് അതിക്രമിച്ച് കയറി കയറിപ്പിടിക്കാന്‍ ശ്രമിച്ചെന്നാണ് ആരോപണം ഉയര്‍ത്തിയിട്ടുള്ളത്. ഇക്കാര്യം മനസ്സിലാക്കി ഉച്ചത്തില്‍ ശബ്ദമുണ്ടാക്കിയപ്പോള്‍ ഇയാള്‍ ഓടിയൊളിച്ചെന്നും പിന്നീട് ഹോട്ടലിലെ മറ്റ് ജീവനക്കാരുടെ സഹായത്തോടെ പിടികൂടിയെന്നുമാണ് പറഞ്ഞിട്ടുള്ളത്.
അതേസമയം ആരോപണം ഹോട്ടല്‍ അധികൃതര്‍ നിഷേധിച്ചു. വെള്ളിയാഴ്ച ഒരു തരത്തിലുമുള്ള പീഡനശ്രമം നടന്നിട്ടില്ലെന്നും മുറിയുടെ വാതില്‍ തുറന്നു കിടക്കുന്നത് കണ്ട് അക്കാര്യം താരത്തെ വിളിച്ചറിയിക്കാന്‍ വേണ്ടിയാണ് ജീവനക്കാരന്‍ ചെന്നതെന്നുമാണ് ഹോട്ടല്‍ അധികൃതര്‍ പറയുന്നത്. മുറിയിലേക്ക് പ്രവേശിക്കും മുമ്പായി ജീവനക്കാരന്‍ ബെല്ലടിച്ചെന്നും എന്നിട്ടും ഉണരാതിരുന്നതിനെ തുടര്‍ന്നാണ് മുറിയിലേക്ക് കടന്നതെന്നുമാണ് അവരുടെ പക്ഷം. 
അതേസമയം കുറ്റവാളി 12 വയസ്സുള്ള കുട്ടിയാണെന്നതാണ് ഞെട്ടിക്കുന്നതെന്ന് താരം പറഞ്ഞു. ഒരു മണിക്കൂറിന് ശേഷം ഹോട്ടല്‍ ജീവനക്കാര്‍തന്നെ ഇവനെ പിടികൂടിയെങ്കിലും പോലീസിനെ വിളിച്ചില്ലെന്ന് നടി ശനിയാഴ്ച വ്യക്തമാക്കി. അതേസമയം നടിയുടെ പരാതിയില്‍ പോലീസ് കേസെടുത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha