മുന്‍ ചീഫ് സെക്രട്ടറി ഇ.കെ. ഭരത്ഭൂഷണും മുന്‍ അഡീഷണല്‍ ചീഫ് സെക്രട്ടറി നിവേദിത പി.ഹരനും പാറ്റൂര്‍ ഭൂമിയിടപാട് കേസില്‍ ലോകായുക്തയുടെ നോട്ടീസ്. കേസില്‍ കക്ഷി ചേരാതിരിക്കാന്‍ കാരണമുണ്ടെങ്കില്‍ അറിയിക്കണമെന്നാണ് നോട്ടീസിലെ ആവശ്യം.
ജൂണ്‍ അഞ്ചിനുമുമ്പ് റിപ്പോര്‍ട്ട് സമര്‍പ്പിക്കണമെന്ന് അമിക്യസ് ക്യൂറിയോട് ലോകായുക്ത ആവശ്യപ്പെട്ടു. ഉമ്മന്‍ചാണ്ടിയുടേയും തിരുവഞ്ചൂര്‍ രാധാകൃഷ്ണന്റെയും കാര്യത്തില്‍ ഈ റിപ്പോര്‍ട്ടിന്റെ അടിസ്ഥാനത്തില്‍ തീരുമാനമെടുക്കുമെന്നും ലോകായുക്ത അറിയിച്ചു.

ഭൂമിയിടപാട് കേസില്‍ മുഖ്യമന്ത്രി അടക്കമുള്ളവര്‍ക്കെതിരെ നോട്ടീസ് അയക്കണമെന്ന ഹരജിക്കാരന്റെ ആവശ്യമാണ് ലോകായുക്ത ഇന്ന് പരിഗണിച്ചത്. മുഖ്യമന്ത്രിക്കും ചീഫ് സെക്രട്ടറിക്കും എതിരെ പരാമര്‍ശമുള്ള റിപ്പോര്‍ട്ട് നേരത്തെ സമര്‍പ്പിച്ചിരുന്നെങ്കിലും ലോകായുക്ത പരിഗണിച്ചിരുന്നില്ല. അന്വേഷണ ഉദ്യോഗസ്ഥനായ ജേക്കബ് തോമസാണ് റിപ്പോര്‍ട്ട് സമര്‍പ്പിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha