അമ്മയെയും അച്ഛനെയും കാണാന് മക്കള് ജയിലില് എത്തി
കോയമ്പത്തൂര് ജയിലില് റിമാന്ഡില് കഴിയുന്ന മാവോവാദികളായ രൂപേഷിനെയും ഷൈനയെയും സന്ദര്ശിക്കാന് ഇരുവരുടെയും മക്കള് ജയിലിലെത്തി. രൂപേഷിന്റെ സഹോദരങ്ങളോടൊപ്പമാണ് ഇവര് ജയിലില് എത്തിയത്.
ചോദ്യം ചെയ്യാനും തെളിവ് ശേഖരിക്കാനും ഇവരെ വിട്ടുകിട്ടണമെന്ന് ആവശ്യപ്പെട്ട് കേരളാ പോലീസ് ബുധനാഴ്ച്ച ഹര്ജി നല്കിയിട്ടുണ്ട്. ഇതേ ആവശ്യമുന്നയിച്ച് തമിഴ്നാട് പോലീസിന്റെ ക്യൂബ്രാഞ്ചും കോടതിയില് ഹര്ജി നല്കിയിട്ടുണ്ട്. കേരളാ പോലീസിന് ഇവരെ വിട്ടുകിട്ടിയാല് വയനാട്ടില് കൊണ്ടു വന്ന് തെളിവെടുക്കും.
തിങ്കളാഴ്ച പിടിയിലായ മാവോവാദിനേതാക്കളെ കോടതി ജൂണ് മൂന്നുവരെയാണ് ജുഡീഷ്യല് കസ്റ്റഡിയില് റിമാന്ഡ്ചെയ്തിരിക്കുന്നത്. തൃശ്ശൂര് ഇരിങ്ങാലക്കുട പെരിങ്ങര സ്വദേശികളായ രൂപേഷ് (45), ഭാര്യ ഷൈന (44), പത്തനംതിട്ട സ്വദേശി അനൂപ് (30), മധുര സ്വദേശി കണ്ണന് (45), ബെംഗളൂരു സ്വദേശി ഈശ്വര് (60) എന്നിവരെയാണ് കോയമ്പത്തൂര് രണ്ടാം ജുഡീഷ്യല് മജിസ്ട്രേറ്റ് എം.പി. സുബ്രഹ്മണ്യം റിമാന്ഡ് ചെയ്തത്. പ്രതികള്ക്കെതിരെ തമിഴ്നാട് ക്യൂ ബ്രാഞ്ച് പോലീസ് ചുമത്തിയ കുറ്റകരമായ ഗൂഢാലോചന, നിയമവിരുദ്ധപ്രവര്ത്തന നിരോധന നിയമത്തിലെ (യു.എ.പി.എ.) 20 ാം വകുപ്പ് എന്നിവ പരിഗണിച്ചാണ് കോടതി യു. എ.പി.എ. നിയമപ്രകാരം പ്രതികളെ ഒരുമാസത്തേക്ക് റിമാന്ഡ് ചെയ്തിട്ടുള്ളത്.
പ്രതികള്ക്കുവേണ്ടി പി.യു.സി.എല്. പ്രവര്ത്തകരായ അഭിഭാഷകര് ഹാജരായി. പ്രതികളെ ചോദ്യംചെയ്യാന് വിട്ടുകിട്ടണമെന്നുകാണിച്ച് ക്യൂ ബ്രാഞ്ച് നല്കിയ ഹര്ജി പരിഗണിക്കുന്നത് കോടതി ബുധനാഴ്ചത്തേക്ക് മാറ്റി. പ്രതികള്ക്കുവേണ്ടി പി.യു.സി.എല്. അഭിഭാഷകര് ബുധനാഴ്ച ജാമ്യഹര്ജി നല്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha