നിലവില് പ്രവര്ത്തിച്ചു കൊണ്ടിരിക്കുന്ന 308 അണ് എയ്ഡഡ് സ്കൂളുകള്ക്ക് അംഗീകാരം
നിലവില് പ്രവര്ത്തിച്ചുകൊണ്ടിരിക്കുന്ന 308 അനംഗീകൃത അണ് എയ്ഡഡ് സ്കൂളുകളെ അംഗീകരിക്കുന്നതിന് മന്ത്രിസഭാ യോഗം അനുമതി നല്കി. ദേശീയ വിദ്യാഭ്യാസ അവകാശ നിയമത്തിലെ വ്യവസ്ഥകള് പരിഗണിച്ചാണ് നടപടി. ഇതനുസരിച്ച് ഒരു മേഖലയിലും അംഗീകാരമില്ലാത്ത വിദ്യാലയങ്ങള് പാടില്ല. ഇതിനാലാണ് അണ് എയ്ഡഡ് മേഖലയിലും അംഗീകാരം അനിവാര്യമായത്.
പ്രവര്ത്തിച്ചുകൊണ്ടിരിക്കുന്ന വിദ്യാലയങ്ങളില്നിന്ന് സര്ക്കാര് അപേക്ഷ ക്ഷണിച്ചിരുന്നു. വിദ്യാര്ഥികളുടെ എണ്ണം, സ്കൂളിന്റെ വിസ്തൃതി, പ്രവര്ത്തന പരിചയം തുടങ്ങിയ വ്യവസ്ഥകള് മാനദണ്ഡമാക്കിയാണ് അപേക്ഷ ക്ഷണിച്ചിരുന്നത്.
എന്നാല് ഇക്കാര്യത്തില് കടുംപിടിത്തം ഒഴിവാക്കി പരമാവധി വിദ്യാലയങ്ങള്ക്ക് അംഗീകാരം നല്കുന്ന രീതിയാണ് സര്ക്കാര് കൈക്കൊണ്ടത്. മുന്കാലങ്ങളിലും ഈ രീതിയില് അനംഗീകൃത വിദ്യാലയങ്ങള്ക്ക് അംഗീകാരം നല്കിയിട്ടുണ്ടെന്ന് സര്ക്കാര് കേന്ദ്രങ്ങള് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha