ഭാര്യയെ വലിയ ഇഷ്ടം ആയതിനാല്‍ ഭര്‍ത്താവ് അവളെ കൊലപ്പെടുത്തുന്നു, കൂടാതെ ഭാര്യയുടെ ചോര കൊണ്ട് ഇവിടെ അപകടം നടന്നിട്ടുണ്ട് എന്ന് വീടിന് പുറത്ത് എഴുതി ഒട്ടിക്കുന്നു; കൊച്ചിയില്‍ കഴിഞ്ഞദിവസം നടന്ന കൊലപാതകത്തിലാണീ നാടകീയ സംഭവങ്ങള്‍. തികഞ്ഞ സംശയരോഗിയായ ഭര്‍ത്താവ് ഭാര്യയെ കഴുത്തറുത്ത് കൊല്ലുകയായിരുന്നു.
കൊച്ചി മുളവുകാട്ടില്‍ ഭാര്യയായ മെര്‍ലിയെ കഴുത്തറുത്തുകൊലപ്പെടുത്തിയ ശേഷം ആത്മഹത്യയ്ക്ക് ശ്രമിച്ച ഭര്‍ത്താവ് ജോണ്‍സണ്‍ ഡിസൂസയുടെ നില ഗുരുതരമായി തുടരുന്നു. സംശയ രോഗമാണ് ഭാര്യയുടെ കൊലയ്ക്ക് ജോണ്‍സണെ പ്രേരിപ്പിച്ചതെന്നാണ് പൊലീസിന്റെ പ്രാഥമിക നിഗമനം. ജോണ്‍സനെതിരേ കൊലപാതകത്തിനും ആത്മഹത്യാശ്രമത്തിനും കേസെടുത്തു.
കോഴിക്കോട്ട് സ്വദേശിനിയും മുളവുകാട് ഷാന്‍ വില്ലയില്‍ താമസക്കാരിയുമായ മെര്‍ലിനാണ് കൊല്ലപ്പെട്ടത്. വീട്ടില്‍ മറ്റാരുമില്ലാതിരുന്നപ്പോഴാണ് ജോണ്‍സണ്‍ ഭാര്യയെ കൊന്ന് ആത്മഹത്യയ്ക്ക് ശ്രമിച്ചത്. അതു കൊണ്ട് തന്നെ ദുരന്തം പുറത്തറിയാന്‍ വേറിട്ട വഴിയും സ്വീകരിച്ചു. ഭാര്യയുടെ ചോരകൊണ്ട് അവിടെ അപകടം നടന്നുവെന്ന് പേപ്പറിലെഴുതി വാതിലില്‍ ഒട്ടിച്ചു. ഇതു കണ്ടാണ് ആളുകള്‍ വീട്ടിലെത്തിയത്. അതിനാല്‍ ജോണ്‍സണിന്റെ ജീവന്‍ രക്ഷിക്കാനായി.
ഭാര്യയെ തനിക്ക് ഇഷ്ടമാണെന്നും പാവമാണെന്നും അവളെ സംശയമുള്ളതിനാല്‍ താനാണു കൊലപ്പെടുത്തിയതെന്നും ജോണ്‍സണ്‍ എഴുതിയതെന്നു കരുതുന്ന കത്ത് വീട്ടിലെ മേശപ്പുറത്തുനിന്നു പൊലീസിനു ലഭിച്ചു. സംഭവം നടക്കുമ്പോള്‍ ഇവരുടെ ഏകമകള്‍ ഷാനു കോഴിക്കോട്ട് മെര്‍ലിന്റെ വീട്ടിലായിരുന്നു. ഫോറന്‍സിക് വിദഗ്ദ്ധര്‍ ഉള്‍പ്പെടെയുള്ളവര്‍ സ്ഥലത്തെത്തി തെളിവുകള്‍ ശേഖരിച്ചു. കൊച്ചി സെന്‍ട്രല്‍ സി.ഐ ഫ്രാന്‍സിസ് ഷെല്‍ബിയുടെ നേതൃത്വത്തിലുള്ള പൊലീസ് സംഘം മേല്‍നടപടികള്‍ സ്വീകരിച്ചു.
കിടപ്പുമുറിയിലെ കട്ടിലില്‍വച്ച് മെര്‍ലിയെ കൊന്നശേഷം മൃതദേഹം വലിച്ചിഴച്ചു മുന്നിലെ സ്വീകരണ മുറിയില്‍ കൊണ്ടുവന്നിട്ടുവെന്നാണ് പൊലീസിന്റെ നിഗമനം. മെര്‍ലിയുടെ കഴുത്തില്‍ ആഴത്തില്‍ മുറിവുണ്ടായിരുന്നു. നെഞ്ചില്‍ കത്തികൊണ്ട് കുത്തിയ പാടുകളുണ്ട്. കൊലപാതകത്തിനുശേഷം വീടിന്റെ പ്രധാന വാതിലില്‍ ഇവിടെ അപകടം ഉണ്ടായിട്ടുണ്ടെന്ന ബോര്‍ഡും ജോണ്‍സണ്‍ എഴുതിത്തൂക്കി. തുടര്‍ന്നു കഴുത്തും കൈയും മുറിച്ച് ജീവനൊടുക്കാന്‍ ശ്രമിച്ചു. ഉറക്കത്തിലാണു കൊല നടത്തിയതെന്നാണു പൊലീസ് സംശയിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha