വിഷക്കായ കഴിച്ച സംഭവം: ഐജി അജിത് കുമാര് കേസ് അന്വേഷിക്കും, ആലപ്പുഴ മെഡിക്കല് കോളജ് ആശുപത്രിയില് ചികിത്സയില് കഴിയുന്നവരെ കലക്ടര് സന്ദര്ശിച്ചു
കായിക വിദ്യാര്ഥിനി വിഷക്കായ കഴിച്ചു മരിച്ച സംഭവം ഐജി എം.ആര്. അജിത്കുമാര് അന്വേഷിക്കും. അജിത് കുമാര് ഇന്നുതന്നെ സ്ഥലം സന്ദര്ശിക്കുമെന്നു ആഭ്യന്തര മന്ത്രി രമേശ് ചെന്നിത്തല അറിയിച്ചു. സംഭവത്തില് അസ്വാഭാവിക മരണത്തിനു കേസെടുത്തു.കായികവിദ്യാര്ഥികള് വിഷക്കായ കഴിച്ചത് അന്വേഷിക്കുമെന്ന് ജില്ലാ കലക്ടര് എന്. പത്മകുമാറും വ്യക്തമാക്കി. കുട്ടികള് വിഷം കഴിച്ചതായി കണ്ടെത്താന് കാലതാമസമുണ്ടായി.
ഇതാണ് ഒരു കുട്ടി മരിക്കാന് കാരണമെന്നും പത്മകുമാര് പറഞ്ഞു. ആലപ്പുഴ മെഡിക്കല് കോളജ് ആശുപത്രിയില് ചികില്സയില് കഴിയുന്നവരെ കലക്ടര് സന്ദര്ശിച്ചു.കുട്ടിയുടെ ബന്ധുക്കള് ഉന്നയിച്ച ആക്ഷേപം പരിശോധിക്കുമെന്ന് സായി കേരള ഡയറക്ടര് ജി.കിഷോറും വ്യക്തമാക്കി. അന്വേഷണത്തിനുശേഷം ഉചിതമായ നടപടിയുണ്ടാകും. ഹോസ്റ്റലില് പീഡനം നടന്നെന്ന ആരോപണത്തെപറ്റി ഇപ്പോള് പ്രതികരിക്കാനാവില്ലെന്നും കിഷോര് പറഞ്ഞു. കായികവിദ്യാര്ഥികള് വിഷം കഴിച്ചതിനെക്കുറിച്ചു കേന്ദ്ര കായികമന്ത്രിക്ക് റിപ്പോര്ട്ട് നല്കി.
സായി ഡയറക്ടര് ജനറല് ഇന്ജെറ്റി ശ്രീനിവാസാണ് റിപ്പോര്ട്ട് നല്കിയത്.അതേസമയം, കുട്ടികളുടെ ഉള്ളില് വിഷാംശം ചെന്നതില് ദുരൂഹതയുണ്ടെന്ന ആരോപണവുമായി ബന്ധുക്കള് രംഗത്തെത്തി. ഹോസ്റ്റലില് സീനിയര് വിദ്യാര്ഥിനികളില് നിന്നുള്ള ശാരീരിക മാനസിക പീഡനങ്ങള് കുട്ടികള് നേരിട്ടിരുന്നതായി ബന്ധുക്കള് ആരോപിച്ചു.വിഷക്കായ ഭക്ഷിച്ച കുട്ടികള്ക്ക് ഹോസ്റ്റലില് നിന്ന് പീഡനങ്ങള് ഏറ്റിട്ടുണ്ടെന്ന വാര്ത്ത ഹോസ്റ്റല് വാര്ഡന് തള്ളിക്കളഞ്ഞു. ആരെങ്കിലും ഉപദ്രവിച്ചതായി ഇതുവരെ പരാതി പറഞ്ഞിട്ടില്ല. ചികില്സയിലുള്ള മൂന്നു കുട്ടികളില് ഒരാളുടെ നില ഗുരുതരമായി തുടരുകയാണ്. ദേശീയ ഗെയിംസില് കയാക്കിങ് ഇനത്തില് സ്വര്ണം നേടിയ താരത്തിന്റെ നിലയാണ് ഗുരുതരമായി തുടരുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha