അഭിഭാഷകരെ ഇറക്കുമതി ചെയ്തതുവഴി ഇടതുപക്ഷ സര്ക്കാരിന്റെ കാലത്ത് അധികാര ദല്ലാള് നന്ദകുമാര് കൊയ്തത് കോടികള്
അച്യുതാനന്ദന് സര്ക്കാരിന്റെ കാലത്ത് സര്ക്കാര് അഭിഭാഷകരെ നോക്കുകുത്തികളാക്കി ഡല്ഹിയില് നിന്ന് വക്കീലന്മാരെ ഇറക്കുമതി ചെയ്യുകവഴി ദല്ലാള് ടി.ജി നന്ദകുമാര് വന് സാമ്പത്തിക നേട്ടമുണ്ടാക്കിയതായി റിപ്പോര്ട്ട്. കോടിക്കണക്കിന് രൂപയാണ് വക്കീല് ദല്ലാളായി വേഷമിട്ട നന്ദകുമാര് സമ്പാദിച്ചതെന്നറിയുന്നു. രാജു പുഴങ്കര സമര്പ്പിച്ച ഹര്ജിയില് നന്ദകുമാറിനെതിരെ കൂടുതല് അന്വേഷണം നടത്താന് വിജിലന്സ് കോടതി ഉത്തരവിട്ടു. വിജിലന്സ് കേസ് പിണറായിയുടെയും ലോട്ടറി തോമസ് ഐസക്കിന്റെയും താല്പര്യങ്ങള് സംരക്ഷിക്കുന്നതിനു വേണ്ടിയായിരുന്നു. പാമോയിലും ഐസ്ക്രീമും അച്യുതാന്ദന്റെ താല്പര്യ സംരക്ഷണം ലക്ഷ്യമിട്ടായിരുന്നു.
ഖജനാവിന് മൂന്നുകോടി നഷ്ടം എന്നാണ് കോടതിയില് ഹാജരാക്കിയ രേഖകളില് പറയുന്നതെങ്കിലും ആറുകോടിയോളം രൂപയുടെ നഷ്ടം കണക്കാക്കപ്പെടുന്നു. 71 സര്ക്കാര് അഭിഭാഷകര് സംസ്ഥാനത്തുള്ളപ്പോഴായിരുന്നു സി.എം. വൈദ്യനാഥന്, ആര്.കെ. ആനന്ദ് തുടങ്ങിയ അഭിഭാഷകരെ ഇറക്കുമതി ചെയ്തത് വൈദ്യനാഥന് അഞ്ചുലക്ഷവും ആനന്ദിന് ആറു ലക്ഷവുമായിരുന്നു ഫീസ്. പതിനെട്ടര ലക്ഷമാണ് സര്ക്കാര് അഭിഭാഷകര്ക്ക് പ്രതിമാസം നല്കി വന്നിരുന്നത്.
സുപ്രീം കോടതി കേന്ദ്രീകരിച്ച് ദല്ലാള് വ്യവഹാരം നടത്തുന്ന നന്ദകുമാറിന് അച്യുതാനന്ദന് ആവശ്യാനുസരണം ഡല്ഹിയില് നിന്നും അഭിഭാഷകരെ നല്കിയിരുന്നത്. ഡല്ഹിയിലെ പ്രസിദ്ധ അഭിഭാഷകര്ക്ക് ജുഡീഷ്യല് ഓഫീസര്മാരുമായി അടുത്ത ബന്ധവുമുണ്ട്. ഇത്തരം ബന്ധങ്ങള് പ്രയോജനപ്പെടുത്താം എന്നായിരുന്നു വി.എസിന്റെ കണക്കുകൂട്ടല്.
നന്ദകുമാര് തന്നെയാണ് സംസ്ഥാനത്തെ ചില സ്റ്റാറ്റിയുട്ടറി കമ്മീഷനുകള്ക്ക് അധ്യക്ഷന്മാരെ നല്കിയിരുന്നതും. കുമാര് എന്ന ചുരുക്കപേരിലാണ് നന്ദകുമാര് അറിയപ്പെട്ടിരുന്നത്. ഡല്ഹിയില് ജഡ്ജിമാരുടെ വാഹനങ്ങളിലാണ് നന്ദകുമാര് സഞ്ചരിച്ചിരുന്നത്. സംസ്ഥാനത്തെ ചില മനുഷ്യാവകാശ പ്രവര്ത്തകരുമായും നന്ദകുമാറിന് അടുപ്പമുണ്ടായിരുന്നു. ചിലരുമായി ഇടക്കാലത്ത് തെറ്റി.
അഭിഭാഷകര്ക്കും കേരള സര്ക്കാരിനുമിടയില് പാലമായി പ്രവര്ത്തിച്ചിരുന്നതും നന്ദകുമാറാണ്. വി.എസിന്റെ ഓഫീസില് നന്ദകുമാറിന് നല്ല സ്വാധീനവുമുണ്ടായിരുന്നു. നന്ദകുമാറിന്റെ ബന്ധങ്ങള് ചില കേസുകളിലെങ്കിലും വി.എസിന് നേട്ടമുണ്ടാക്കാന് സഹായിച്ചു.
https://www.facebook.com/Malayalivartha