മുരളി വെടി പൊട്ടിച്ചത് രമേശിന്റെ അനുമതിയോടെ, ചെന്നിത്തല നടത്തുന്ന കളികള്ക്ക് തടയിടാന് എ ഗ്രൂപ്പിലെ നേതാക്കള് ശ്രമം തുടങ്ങി
സോളാര് വിവാദത്തില് മുഖ്യമന്ത്രിക്കെതിരെ കെ.മുരളീധരന് എം.എല്.എ ഇന്നലെ വെടിപൊട്ടിച്ചത് കെ.പി.സി.സി പ്രസിഡന്റ് കെ.മുരളീധരന്റെ അറിവോടെയാണെന്ന് എ ഗ്രൂപ്പ് വിലയിരുത്തുന്നു. അടുത്തിടെ ഐ ഗ്രൂപ്പില് ചേക്കേറിയ മുരളിയെ ഉപയോഗിച്ച് ചെന്നിത്തല നടത്തുന്ന കളികള്ക്ക് തടയിടാന് എ ഗ്രൂപ്പിലെ മുതിര്ന്ന നേതാക്കള് ശ്രമം തുടങ്ങി. സംസ്ഥാനത്ത് തല്ക്കാലം നേതൃമാറ്റം ഇല്ലെന്ന് ഹൈക്കമാന്ഡ് അറിയിച്ചതോടെയാണ് രമേശ് പുതിയ തന്ത്രവുമായി ഇറങ്ങിയത്. എന്നിട്ട് മുരളിയെ ഫോണ് വിളിച്ച് താക്കീത് നല്കിയത് തങ്ങളുടെ കണ്ണില് പൊടിയിടാനാണെന്നും അവര് ആക്ഷേപിക്കുന്നു.
എന്നാല് മന്ത്രിമാരും മറ്റ് കോണ്ഗ്രസ് നേതാക്കളും സരിതയെ വിളിച്ചതിന്റെ രേഖകള് മാധ്യമങ്ങള്ക്ക് ചോര്ത്തി നല്കുകയും മുഖ്യമന്ത്രി യു.എന് അവാര്ഡ് വാങ്ങാന് പോയപ്പോള് പഴ്സണല് സ്റ്റാഫായിരുന്ന ജോപ്പനെ അറസ്റ്റ് ചെയ്തതും കാരണം ആഭ്യന്തരമന്ത്രി തിരുവഞ്ചൂര് രാധാകൃഷ്ണനെ താമസിക്കാതെ മാറ്റുമെന്നറിയുന്നു. ആ സ്ഥാനത്തേക്ക് ഐ ഗ്രൂപ്പുകാരാനായ മുരളിയെ കൊണ്ടുവരാനും ചെന്നിത്തല നീക്കം നടത്തുന്നുണ്ട്. കെ.പി.സി.സി പ്രസിഡന്റിന്റെ കസേര ഒഴിയാതെ ആഭ്യന്തരവകുപ്പില് പിടിമുറുക്കുകയാണ് ചെന്നിത്തലയുടെ ലക്ഷ്യം. അങ്ങനെ സംഭവിച്ചാല് സോളാര് അടക്കം ഉമ്മന്ചാണ്ടിക്കെതിരെയുള്ള എല്ലാ കേസുകളും ഐ ഗ്രൂപ്പ് ഭാവിയില് ആയുധമാക്കുമെന്ന് അറിയാവുന്ന എ ഗ്രൂപ്പ് അതിന് തടയിടാനുള്ള ശ്രമങ്ങളും തുടങ്ങി.
അതേസമയം ലോക്സഭാ തെരഞ്ഞെടുപ്പ് കഴിയുന്നതോടെ കളം മാറുമെന്നാണ് ഐ ഗ്രൂപ്പുകാര് കണക്കുകൂട്ടുന്നത്. ലീഗിന്റെ ഒഴികെയുള്ള 18 സീറ്റുകളും യു.ഡി.എഫിന് ലഭിക്കില്ലെന്ന് അവര് കണക്കുകൂട്ടുന്നു. അതിനാല് തെരഞ്ഞെടുപ്പിനു ശേഷം ഉമ്മന്ചാണ്ടി ഒഴിയേണ്ടിവരും. ഉമ്മന്ചാണ്ടിക്ക് സോണിയാ ഗാന്ധിയുമായും രാഹുല് ഗാന്ധിയുമായും വലിയ അടുപ്പമില്ല. എന്നാല് ചെന്നിത്തല അവര്ക്ക് വേണ്ടപ്പെട്ടയാളാണ്. സോണിയയുടെയും രാഹുലിന്റെയും നേതൃത്വം അംഗീകരിക്കാന് ഉമ്മന്ചാണ്ടി ഇതുവരെ തയ്യാറായിട്ടില്ല. ശൈലിമാറ്റണമെന്ന് സോണിയ പറഞ്ഞിട്ടും അത് അംഗീകരിക്കാനാവില്ലെന്ന് അദ്ദേഹം പരസ്യമായി പറഞ്ഞത് അതിന്റെ തെളിവാണെന്ന് രാഷ് ട്രീയ നിരീക്ഷകര് വിലയിരുത്തുന്നു.
https://www.facebook.com/Malayalivartha