മത്സ്യക്കുളത്തിൽ മനുഷ്യന്റെ തലയോട്ടിയും അസ്ഥികളും ലഭിച്ച സംഭവം; പൊലീസ് കേസെടുത്തു അന്വേഷണമാരംഭിച്ചു, ലഭിച്ചത് അഞ്ചടിയോളം താഴ്ചയില്‍നിന്ന് തലയോട്ടിക്ക് പുറമെ എട്ടോളം അസ്ഥിക്കഷണങ്ങൾ
നാടിനെ ഞെട്ടലിലാഴ്ത്തി വൈക്കത്ത് ചെമ്മനത്തുകരയില്‍ മത്സ്യക്കുളത്തിന് കുഴിച്ചപ്പോള്‍ മനുഷ്യന്റെ തലയോട്ടിയും അസ്ഥികളും ലഭിച്ച സംഭവത്തില്‍ പൊലീസ് കേസെടുത്തു അന്വേഷണമാരംഭിക്കുകയുണ്ടായി. ചെമ്മനത്തുകരയിലും സമീപപ്രദേശങ്ങളില്‍നിന്നും കാണാതായവരുടെ പട്ടിക പൊലീസ് തയാറാക്കുന്നതാണ്.
മത്സ്യക്കുളത്തിന് കുഴിച്ച സ്ഥലത്ത് ബുധനാഴ്ച രാവിലെ കുഴിച്ച്‌ വിശദ പരിശോധന നടത്തി ബാക്കി മൃതദേഹാവശിഷ്ടങ്ങള്‍കൂടി കണ്ടെടുക്കുകയുണ്ടായി. അഞ്ചടിയോളം താഴ്ചയില്‍നിന്ന് തലയോട്ടിക്ക് പുറമെ എട്ടോളം അസ്ഥിക്കഷണങ്ങളാണ് പോലീസ് അന്വേഷണത്തിൽ ലഭിച്ചത്.
അതോടൊപ്പം തന്നെ മൃതദേഹാവശിഷ്ടം കണ്ടെത്തിയ മടല്‍ക്കുഴിയിലെ ചളിയും വെള്ളവും പൊലീസ് ശേഖരിക്കുകയുണ്ടായി. ഫോറന്‍സിക് അധികൃതരും സ്ഥലത്തെത്തി. മൃതദേഹാവശിഷ്ടങ്ങളുടെ പോസ്റ്റ്മോര്‍ട്ടം നടത്തിയ ശേഷം കൂടുതല്‍ വ്യക്തതക്ക് ഫോറന്‍സിക് പരിശോധന നടത്തുന്നതാണ്.
മരണപ്പെട്ടയാള്‍ സ്ത്രീയോ പുരുഷനോയെന്ന് നിര്‍ണയിച്ച്‌ മൃതദേഹത്തിന്റെ കാലപ്പഴക്കം, മരണകാരണം തുടങ്ങിയവ ശാസ്ത്രീയ പരിശോധനയിലൂടെ കണ്ടെത്തുമെന്നും പോലീസ് വ്യക്തമാക്കി. തലയോട്ടിയിലോ അസ്ഥികളിലോ ആളെ അപായപ്പെടുത്തിയ വിധത്തിലുള്ള പൊട്ടലുകളോ മറ്റോയുണ്ടോയെന്നും പരിശോധിക്കുകയും ചെയ്യുന്നതാണ്.
ഡി.എന്‍.എ പരിശോധനയിലൂടെ മൃതദേഹാവശിഷ്ടത്തിന്റെ പഴക്കം നിര്‍ണയിച്ചു കഴിഞ്ഞാല്‍ ആ കാലയളവില്‍ പ്രദേശത്തുനിന്ന് കാണാതായവരെക്കുറിച്ചും അന്വേഷണം നടത്തി സംഭവത്തിലെ ദുരൂഹത നീക്കാനാകുമെന്നാണ് അന്വേഷണ ഉദ്യോഗസ്ഥരുടെ വിലയിരുത്തല്‍ എന്നത്.
വൈക്കം ഡിവൈ.എസ്.പി എ.ജെ. തോമസിെന്‍റ നേതൃത്വത്തിലാണ് അന്വേഷണം. വൈക്കം ചെമ്മനത്തുകര ക്ഷേത്രത്തിനു കിഴക്ക് കടത്തുകടവിനുസമീപം കാര്‍ത്തികയില്‍ രമേശെന്‍റ സ്ഥലത്തുനിന്നാണ് ചൊവ്വാഴ്ച വൈകീട്ട് നാലോടെ തലയോട്ടിയും അസ്ഥികളും ലഭിച്ചത്. ചെമ്മനത്തുകര സ്വദേശി അപ്പച്ചെന്‍റ ഉടമസ്ഥതയിലായിരുന്ന സ്ഥലം ഒരുവര്‍ഷം മുമ്ബാണ് രമേശന്‍ വാങ്ങിയത്. കരിയാറിനോടു ചേര്‍ന്ന തോടും പുരയിടം ചെമ്മനത്തുകര കയര്‍ സഹകരണസംഘം പൊതിമടല്‍ മൂടാന്‍ ഉപയോഗിച്ചിരുന്നു.
https://www.facebook.com/Malayalivartha
