രാജ്യത്തെ എക്കാലത്തേയും മികച്ച കായിക പരിശീലകരില്‍ ഒരാളും പി ടി ഉഷയുടെ പരിശീലകനുമായ ഒ.എം.നമ്പ്യാർ അന്തരിച്ചു. ഇന്ത്യന്‍ അത്‍ലറ്റിക്സിന് പേരും പെരുമയും സംഭാവന നല്‍കിയ വ്യക്തിത്വം ആയിരുന്നു. ഇന്ത്യയിലെ ആദ്യ ദ്രോണാചാര്യ അവാര്‍ഡ് ജോതാവായ ഒ.എം.നമ്പ്യാരെ ഈ വര്‍ഷം പത്മ പുരസ്കാരം നല്‍കി രാജ്യം ആദരിച്ചിരുന്നു.

രണ്ട് ഒളിമ്പിക്സ്, നാല് ഏഷ്യാഡ്, ഒരു വേള്‍ഡ് ചാമ്പ്യന്‍ഷിപ്പ് തുടങ്ങി നിരവധി അന്താരാഷ്ട്ര കായിക മത്സരങ്ങളില്‍ പരിശീലകനായി ഒ.എം. നമ്ബ്യാര്‍ പങ്കെടുത്തിട്ടുണ്ട്. പി.ടി.ഉഷയുടെ കോച്ചെന്ന നിലയിലാണ് കൂടുതല്‍ പ്രശസ്തനായത്. 1984 ലോസ്‌ഏഞ്ചല്‍സ് ഒളിമ്പിക്‌സില്‍ പി.ടി.ഉഷയുടെ കോച്ചായിരുന്നു അദ്ദേഹം.