കൊല്ലം ബൈപ്പാസില്‍ നീരാവില്‍ പാലത്തിന് അടുത്തായി അമിത വേഗത്തില്‍ എത്തിയ കാര്‍ ലോറിയില്‍ ഇടിച്ചതിനെ തുടര്‍ന്ന് നിരവധി വാഹനങ്ങള്‍ അപകടത്തില്‍പ്പെട്ടു.

ഓട്ടോറിക്ഷയുള്‍പ്പെടെ അപകടത്തില്‍പ്പെട്ട സംഭവത്തില്‍ നാലുപേര്‍ക്ക് പരിക്കേറ്റു. ഒരാളുടെ നില വളരെ ഗുരുതരമാണ്.ഇന്നലെ രാത്രി ഒന്‍പത് മണിയോടെ ബൈപ്പാസില്‍ കടവൂര്‍ ഭാഗത്തായിരുന്നു അപകടം നടന്നത് .

അമിത വേഗത്തില്‍ വന്ന കാര്‍ ബോട്ട് കയറ്റി വന്ന ലോറിയിലിടിച്ച്‌ നിയന്ത്രണം വിട്ട് ഓട്ടോറിക്ഷ ഉള്‍പ്പെടെയുള്ള നിരവധി വാഹനങ്ങളില്‍ ഇടിച്ച്‌ താഴ്ചയിലേക്ക് വീഴുകയായിരുന്നു. ഓട്ടോയിലുണ്ടായിരുന്ന രണ്ട് കുട്ടികള്‍ ഉള്‍പ്പെടെയുള്ളവര്‍ക്കാണ് പരിക്കേറ്റത്. ഇവരെ മതിലിലെ സ്വകാര്യ ആശുപത്രിയില്‍ പ്രവേശിപ്പിച്ചിട്ടുണ്ട്.