പ്രശസ്ത മലയാളി നടി ചിത്ര അന്തരിച്ചു. 56 വയസ്സായിരുന്നു. പുലര്‍ച്ചെ ഹൃദയാഘാതത്തെ തുടര്‍ന്ന് ചെന്നൈയിലെ വസതിയിലായിരുന്നു അന്ത്യം. സംസ്കാരം വൈകിട്ട് നാലിന് ചെന്നൈ സാലിഗ്രാമില്‍ നടക്കുമെന്നാണ് റിപ്പോർട്ട്. ഇതിനോടകം തന്നെ നിരവധി ഭാഷകളിലായി നൂറിലധികം സിനിമകളില്‍ അഭിനയിച്ചു. ചിത്രയുടെ ജനനം 1965 ഫെബ്രുവരി 25ന് കൊച്ചിയിലാണ്.

ആദ്യ സിനിമ രാജപര്‍വൈ. ആട്ടക്കലാശത്തിലൂടെ മലയാളത്തില്‍ ശ്രദ്ധിക്കപ്പെട്ടു. അമരം, ഒരു വടക്കന്‍ വീരഗാഥ, പഞ്ചാഗ്നി, അദ്വൈതം, ദേവാസുരം, ഏകലവ്യന്‍ തുടങ്ങിയവ ചിത്ര അഭിനയിച്ച പ്രധാന മലയാള സിനിമകളാണ്. 2001ല്‍ പുറത്തിറങ്ങിയ സൂത്രധാരനാണ് അവസനമായി അഭിനയിച്ച സിനിമ എന്നത്. ഭര്‍ത്താവ് ബിസിനസ്സുകാരനായ വിജയരാഘവന്‍. മകള്‍: മഹാലക്ഷ്മി

വിജയരാഘവനാണ് ഭര്‍ത്താവ്. ഏക മകള്‍ മഹാലക്ഷ്മി. മലയാളത്തില്‍ സൂപ്പര്‍സ്റ്റാറുകളായ മമ്മൂട്ടി, മോഹന്‍ലാല്‍, സുരേഷ് ഗോപി എന്നിവര്‍ക്കൊപ്പം വേഷമിട്ടിട്ടുണ്ട്. 1990കളില്‍ മലയാള സിനിമയില്‍ സജീവമായിരുന്ന ചിത്ര, വിവാഹത്തെത്തുടര്‍ന്നു ദീര്‍ഘകാലത്തേക്ക് സിനിമ ഉപേക്ഷിക്കുകയായിരുന്നു.

അതോടൊപ്പം തന്നെ തമിഴ് സിനിമയില്‍ ശിവാജി ഗണേശന്‍, കമല്‍ ഹാസന്‍, ശരത് കുമാര്‍, പ്രഭു തുടങ്ങിയവരുടെ ചിത്രങ്ങളില്‍ അഭിനയിച്ചിട്ടുണ്ട്. തെലുങ്ക്, കന്നഡ, ഹിന്ദി സിനിമകളിലും ചിത്ര വേഷമിട്ടു.18 വര്‍ഷത്തെ ഇടവേള അവസാനിപ്പിച്ച്‌ 2020 ല്‍ തമിഴ് ചിത്രം ബെല്‍ ബോട്ടത്തിലൂടെ വെള്ളിത്തിരയിലേക്ക് മടങ്ങി. തമിഴ് സീരിയല്‍ രംഗത്തിലൂടെ സജീവമായി തുടരുകയും ചെയ്തു. നൂറിലധികം ചിത്രങ്ങളില്‍ ചിത്ര അഭിനയിച്ചു.