കഴിഞ്ഞ 5 വര്‍ഷമായി തുടരുന്ന പതിവ് ഇത്തവണയും തെറ്റിക്കാതെ ഓണം ആഘോഷിച്ച് ഉമ്മന്‍ചാണ്ടി
കഴിഞ്ഞ 5 വര്‍ഷമായി തുടരുന്ന പതിവ് ഇത്തവണയും തെറ്റിക്കാതെ കാന്‍സര്‍ രോഗികള്‍ക്കൊപ്പം ഓണം ആഘോഷിച്ച് മുന്‍ മുഖ്യമന്ത്രി ഉമ്മന്‍ചാണ്ടി. കഴിഞ്ഞ 5 വര്‍ഷമായി ഉമ്മന്‍ചാണ്ടി ഓണം ആഘോഷിക്കുന്നത് നിര്‍ധനരായ കാന്‍സര്‍ രോഗികള്‍ക്കൊപ്പമാണ്. ഇത്തവണയും അദ്ദേഹം പതിവ് മുടങ്ങാതെ ഓണാഘോഷത്തിനായി എത്തി. പൂജപ്പുരയിലെ പുതുപ്പള്ളി ഹൗസിലാണ് കാന്‍സര്‍ രോഗികള്‍ക്കൊപ്പം അദ്ദേഹം ഓണം ആഘോഷിച്ചത്.
സമൂഹത്തില്‍ ഏറ്റവുമധികം ബുദ്ധിമുട്ടനുഭവിക്കുന്നത് ആരോഗ്യത്തില്‍ പ്രശ്‌നങ്ങളുള്ള ആളുകളാണ്. പ്രത്യേകിച്ച് കാന്‍സര്‍ രോഗികള്‍. ഏറെ ബുദ്ധിമുട്ട് അനുഭവിക്കുന്നവര്‍ക്കൊപ്പം ഓണം ആഘോഷിക്കുന്നത് സന്തോഷമാണെന്ന് അദ്ദേഹം വ്യക്തമാക്കി. കാന്‍സര്‍ രോഗികള്‍ക്ക് വേണ്ട സാമ്ബത്തിക സഹായവും നല്‍കി വരുന്നുണ്ടെന്നും അദ്ദേഹം പറഞ്ഞു. 23 ഓളം കാന്‍സര്‍ രോഗികള്‍ക്കൊപ്പമായിരുന്നു ഉമ്മന്‍ചാണ്ടിയുടെ ആഘോഷം. കഴിഞ്ഞ 5 വര്‍ഷമായി കാന്‍സര്‍ രോഗികള്‍ക്ക് ഓണപ്പുടവ നല്‍കിയും സംഭാവനകള്‍ നല്‍കിയുമാണ് ഉമ്മന്‍ചാണ്ടി ഓണം ആഘോഷം നടത്തുന്നത്. അബുദാബി വീക്ഷണം ഇന്ദിര ഗാന്ധി ഫോറം നടത്തി വരുന്ന പരിപാടിയുടെ ഭാഗമായാണ് ഓണാഘോഷ പരിപാടി സംഘടിപ്പിച്ചത്.
https://www.facebook.com/Malayalivartha
