ഭാരതപ്പുഴയില്‍ കുളിക്കാനിറങ്ങിയ സുഹൃത്തുക്കള്‍ മുങ്ങി മരിച്ചു.... വേര്‍പാട് താങ്ങാനാവാതെ ബന്ധുക്കളും സുഹൃത്തുക്കളും കുളിക്കാനിറങ്ങിയപ്പോഴാണ് അപകടം സംഭവിച്ചത്. കല്ലേക്കാട് ഭാഗത്താണ് അപകടമുണ്ടായത്.

തമിഴ്‌നാട് സേലം സ്വദേശി അന്‍സീര്‍ (19), ബന്ധു പാലക്കാട് മേപ്പറമ്പ് കുറിശ്ശാംകുളം സ്വദേശി ഹാഷിം(20) എന്നിവരാണ് മരിച്ചത്.

ഒഴുക്കില്‍പ്പെട്ട അന്‍സീലിനെ രക്ഷിക്കാന്‍ ശ്രമിക്കുന്നതിനിടെ ഹാഷിമും മുങ്ങിത്താഴുകയായിരുന്നു.  സേലം സ്വദേശി അന്‍ഷീര്‍, ബന്ധു ഹാഷിം എന്നിവര്‍ ഓണത്തോടനുബന്ധിച്ചായിരുന്നു കല്ലേക്കാട്ടെ ബന്ധു വീട്ടിലെത്തിയത്.

ഉച്ചഭക്ഷണത്തിന് ശേഷം വൈകീട്ട് കുളിക്കാനായി പുഴക്കടവിലെത്തിയവര്‍ ഒഴുക്കില്‍പ്പെടുകയായിരുന്നു. ഇവരെ കാണാതായെന്ന് ഒപ്പമുണ്ടായിരുന്നയാളാണ് നാട്ടുകാരെ അറിയിച്ചത്. തുടര്‍ന്ന് അഗ്‌നിരക്ഷാസേന എത്തിയാണ് അന്‍ഷീറിനെയും ഹാഷിമിനെയും പുറത്തെടുത്തത്‌ .

 
അതേസമയം കഴിഞ്ഞ ആഴ്ചയില്‍ പാലക്കാട് ആനക്കരയ്ക്കടുത്ത കൂടല്ലൂര്‍ കൂട്ടക്കടവ് പുഴയില്‍ കുളിക്കാനിറങ്ങിയ അമ്മയും മകനും മുങ്ങി മരിച്ചു. കൂടല്ലൂര്‍ ഇടപ്പറമ്പില്‍ കോമുവിന്റെ മകള്‍ ബേബി ഫെമിന (37) മകന്‍ ഷെരീഫ് (7) എന്നിവരാണ് മരിച്ചത്.

വളാഞ്ചേരി സ്വദേശി അസീസിന്റെ ഭാര്യയാണ് ഫെമിന. വൈകീട്ട് നാല് മണിയോടെയാണ് സംഭവം. പുഴയില്‍ കുളിക്കുന്നതിനിടെ ഒഴുക്കില്‍പ്പെട്ട ഷെരീഫിനെ രക്ഷിക്കാന്‍ ശ്രമിക്കുമ്പോഴാണ് ഫെമിനയും അപകടത്തില്‍പ്പെട്ടത്. ഉടന്‍തന്നെ ഇരുവരെയും നാട്ടുകാര്‍ കരയ്‌ക്കെത്തിച്ച് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.