നിയന്ത്രണം വിട്ട സ്‌കൂട്ടര്‍ ടോറസില്‍ ഇടിച്ച് അപകടം; പരിക്കേറ്റ് ചികിത്സയിലിരുന്ന യുവാവിന് ദാരുണാന്ത്യം
പാലക്കാട്: നിയന്ത്രണം വിട്ട സ്‌കൂട്ടര്‍ എതിരേ വന്ന ടോറസില്‍ ഇടിച്ചുണ്ടായ അപകടത്തില്‍ പരിക്കേറ്റ് ചികിത്സയിലായിരുന്ന യുവാവ് മരിച്ചു. കല്ലടിക്കോട് വാക്കോട് പഴഞ്ചിറയില്‍ ജെയിംസിന്റെ മകന്‍ റിജോ (അപ്പു- 20) ആണ് മരിച്ചത്.
ഒപ്പം യാത്ര ചെയ്യ്തിരുന്ന പറക്കലടി രാധാകൃഷ്ണന്റെ മകന്‍ ധനേഷ് ( 22) പരിക്കുകളോടെ തൃശൂരിലെ സ്വകാര്യ ആസ്പത്രിയില്‍ ചികിത്സയിലാണ്. കൂട്ടുകാരായ നാലു പേര്‍ രണ്ടു വണ്ടികളിലായി തൃശൂരിലെ സ്വകാര്യ സ്ഥാപനത്തില്‍ അഭിമുഖം കഴിഞ്ഞ് തിരികെ വരുമ്ബോഴാണ് അപകടം.
ദേശീയപാതയില്‍ കുതിരാനു സമീപം വഴുക്കപ്പാറയില്‍ വ്യാഴാഴ്ച്ച ഉച്ചയോടെയാണ് അപകടം നടന്നത്. സാരമായി പരിക്കേറ്റ റിജോയെ തൃശൂരിലെ സ്വകാര്യ ആശുപത്രിയില്‍ പ്രവേശിച്ചിരിക്കുകയായിരുന്നു. ശനിയാഴ്ച്ച വൈകീട്ടോടെ മരിച്ചു.അമ്മ: ഷീബ, സഹോദരങ്ങള്‍: റിന്‍സി, റിയ, മൃതദേഹം പോസ്റ്റുമോര്‍ത്തിനു ശേഷം സംസ്‌ക്കാരം നടത്തി.
https://www.facebook.com/Malayalivartha
