ഓണ ഇളവുകള്‍ക്കുശേഷം കോവിഡ് രോഗസ്ഥിരീകരണനിരക്ക് ഉയരുന്നു.... ഒരാഴ്ചയ്ക്കുള്ളില്‍ പ്രതിദിനരോഗികളുടെ എണ്ണം 25,000 മുതല്‍ 30,000 വരെയായി വര്‍ധിക്കുമെന്ന് ആരോഗ്യവിദഗ്ധരുടെ വിലയിരുത്തല്‍... രോഗികളുടെ എണ്ണം കൂടുന്നതിനാല്‍ കൂടുതല്‍ നിയന്ത്രണങ്ങളിലേക്ക് സര്‍ക്കാര്‍ കടന്നേക്കുമെന്ന് സൂചന...
ഓണ ഇളവുകള്‍ക്കുശേഷം കോവിഡ് രോഗസ്ഥിരീകരണനിരക്ക് ഉയരുന്നു.... ഒരാഴ്ചയ്ക്കുള്ളില്‍ പ്രതിദിനരോഗികളുടെ എണ്ണം 25,000 മുതല്‍ 30,000 വരെയായി വര്‍ധിക്കുമെന്ന് ആരോഗ്യവിദഗ്ധരുടെ വിലയിരുത്തല്‍
സെപ്റ്റംബറില്‍ ആകെ രോഗികളുടെ എണ്ണം നാലുലക്ഷംവരെ ഉയരുമെന്ന് നേരത്തേ സൂചിപ്പിച്ചിരുന്നു. മൂന്നുമാസത്തിനിടെ ശനിയാഴ്ച രോഗ സ്ഥിരീകരണനിരക്ക് 17 ശതമാനം കടന്നു.
ഞായറാഴ്ച ഇത് 16.4 ശതമാനമായിരുന്നു. ഇളവുകള്‍ പ്രഖ്യാപിച്ച് രണ്ടാഴ്ച പിന്നിടുമ്പോള്‍ രോഗസ്ഥിരീകരണനിരക്ക് ഉയരുകയാണ്. രോഗികളുടെ എണ്ണം കൂടുന്നതിനാല്‍ കൂടുതല്‍ നിയന്ത്രണങ്ങളിലേക്ക് സര്‍ക്കാര്‍ കടന്നേക്കുമെന്ന് സൂചന.
മുഖ്യമന്ത്രിയുടെ അധ്യക്ഷതയില്‍ നടക്കുന്ന കോവിഡ് അവലോകനയോഗം നിര്‍ണായകമാണ്. കൂടുതല്‍ ഇളവുകള്‍ക്ക് സാധ്യതയില്ല. പരിശോധനകള്‍ വര്‍ധിപ്പിച്ചേക്കും.
തീവ്രരോഗവ്യാപനമുള്ള മലപ്പുറം, തൃശ്ശൂര്‍, എറണാകുളം, കോഴിക്കോട്, പാലക്കാട് ജില്ലകളില്‍ നിയന്ത്രണം ശക്തമാക്കുന്നതിനെപ്പറ്റിയും ചര്‍ച്ചചെയ്യും.
അതേസമയം രോഗവ്യാപനം കൂടുതലുള്ള ജില്ലകളില്‍ സര്‍ക്കാര്‍ ആശുപത്രികളിലെ കിടക്കകള്‍ അതിവേഗമാണ് നിറയുന്നത്. ശനിയാഴ്ചവരെയുള്ള കണക്കുകള്‍പ്രകാരം 27,260 രോഗികളാണ് ആശുപത്രികളിലുള്ളത്. പകുതിയിലധികം ഐ.സി.യു. കിടക്കകളും നിറഞ്ഞിട്ടുണ്ട്. കോവിഡിന്റെ ഒന്നാം തരംഗത്തിലും ഓണത്തിനുശേഷം രോഗികളുടെ എണ്ണം ഉയര്‍ന്നിരുന്നു.
കൂടുതല്‍ പേര്‍ വാക്‌സിന്‍ സ്വീകരിച്ചതിനാല്‍ പോസിറ്റീവായാലും രോഗികള്‍ ഗുരുതരാവസ്ഥയിലേക്ക് പോകാത്തത് ആശ്വാസമാണ്. ഇനി 90 ലക്ഷം വാക്‌സിന്‍കൂടി നല്‍കിയാല്‍ സ്ഥിതിഗതികള്‍ നിയന്ത്രണവിധേയമാകുമെന്നാണ് വിലയിരുത്തല്‍. സെപ്റ്റംബര്‍ 15നുമുമ്പ് ഇത്രയും വാക്‌സിന്‍കൂടി നല്‍കാനുള്ള ശ്രമത്തിലാണ് സര്‍ക്കാര്‍.
https://www.facebook.com/Malayalivartha
