തിരുവോണ ദിവസം പെരുമാതുറ മുതലപ്പൊഴിയില്‍ കുളിക്കാനിറങ്ങി കാണാതായ യുവാവിനായി തെരച്ചില്‍ തുടരുന്നു....
തിരുവോണ ദിവസം പെരുമാതുറ മുതലപ്പൊഴിയില്‍ കുളിക്കാനിറങ്ങി കാണാതായ യുവാവിനായി തെരച്ചില്‍ തുടരുന്നു.
നഗരൂര്‍ കൊടുവഴന്നൂര്‍ വില്ലേജ് ഗണപതിയാംകോണത്ത് വിളയിയില്‍ വീട്ടില്‍ അനുരാജിനെയാണ് (25) കാണാതായത്. 21ന് വൈകിട്ട് മുതലപ്പൊഴി കുരിശടിക്ക് സമീപമായിരുന്നു സംഭവം നടന്നത്.
കോസ്റ്റല്‍ പൊലീസും മറൈന്‍ എന്‍ഫോഴ്‌സ്‌മെന്റും സുരക്ഷാ സേനയും സംയുക്തമായാണ് തെരച്ചില്‍ നടത്തിയത്.
ഭാര്യ ഭാഗ്യയ്ക്കും സുഹൃത്തുക്കള്‍ക്കും സഹപ്രവര്‍ത്തകര്‍ക്കുമൊപ്പമാണ് അനുരാജ് മുതലപ്പൊഴിയിലെത്തിയത്. സംഘത്തിലുണ്ടായിരുന്ന എട്ടുപേര്‍ കടലില്‍ കുളിക്കുന്നതിനിടെ നാലുപേര്‍ ശക്തമായ തിരയില്‍പ്പെട്ട് മുങ്ങിത്താഴുകയായിരുന്നു.
കോസ്റ്റല്‍ വാര്‍ഡന്മാര്‍ മൂന്നുപേരെ രക്ഷപ്പെടുത്തിയെങ്കിലും അനുരാജിനെ കാണാതാകുകയായിരുന്നു. വരുണ്‍, നിഷാല്‍, അജയ് എന്നിവരെയാണ് രക്ഷപ്പെടുത്തിയത്.
ഇവര്‍ മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. ആറ്റിങ്ങല്‍ ഇ ഓട്ടോ ഷോപ്പിലെ ജീവനക്കാരനായ അനുരാജ് രണ്ടുമാസം മുമ്പാണ് വിവാഹിതനായത്.
"
https://www.facebook.com/Malayalivartha
