പാലക്കാട് കുളിക്കാനിറങ്ങിയ രണ്ടു യുവാക്കള്‍ കല്‍പ്പാത്തിപ്പുഴയില്‍ മുങ്ങി മരിച്ചു...
കുളിക്കാനിറങ്ങിയ രണ്ട് യുവാക്കള്‍ കല്‍പ്പാത്തിപ്പുഴയില്‍ മുങ്ങി മരിച്ചു. സേലം സ്വദേശി കാജാഹുസൈന്റെ മകന്‍ അന്‍ഷീര്‍ (19), കല്ലേക്കാട് രണ്ടാം മൈല്‍ നൗഷാദിന്റെ മകന്‍ മുഹമ്മദ് ഹാഷിം (20) എന്നിവരാണ് മരിച്ചത്. ശനിയാഴ്ച ഉച്ചയ്ക്ക് 12.30ന് പറളി ഭാഗത്തായിരുന്നു സംഭവം ഉണ്ടായത്.
കുളിക്കുന്നതിനിടെ അന്‍സീര്‍ മുങ്ങുന്നത് കണ്ട് ഹാഷിം രക്ഷിക്കാനെത്തി. ഇതിനിടെ ഇരുവരും മുങ്ങുകയായിരുന്നു.
ഒപ്പമുണ്ടായിരുന്ന ബന്ധുവായ റാഷിന്‍ (24) കരയില്‍ ഇരിക്കുകയായിരുന്നു. ഇയാളുടെ നിലവിളി കേട്ട് നാട്ടുകാര്‍ ഓടിയെത്തി രക്ഷപ്പെടുത്താന്‍ ശ്രമിച്ചെങ്കിലും സാധിച്ചില്ല.
തുടര്‍ന്ന് പാലക്കാട് ഫയര്‍ഫോഴ്‌സും പൊലീസുമെത്തിയാണ് മൃതദേഹങ്ങള്‍ കരയ്‌ക്കെത്തിച്ചത്.അന്‍ഷീര്‍ ബന്ധുവായ നൗഷാദിന്റെ വീട്ടില്‍ ഓണത്തോടനുബന്ധിച്ച് മൂന്ന് ദിവസം മുമ്ബാണ് വിരുന്നിന് വന്നത്.
മൃതദേഹം ജില്ലാ ആശുപത്രിയില്‍ പോസ്റ്റ് മോര്‍ട്ടത്തിന് ശേഷം ഇന്നലെ ബന്ധുക്കള്‍ക്ക് വിട്ടുകൊടുത്തു
https://www.facebook.com/Malayalivartha
