പാലക്കാട് ലോറിക്കു പിന്നില്‍ ഇടിച്ച പിക്കപ്പ് വാനിലേക്ക് കണ്ടെയ്‌നര്‍ ലോറി ഇടിച്ചു കയറി ഒരാള്‍ക്ക് ദാരുണാന്ത്യം
പാലക്കാട് ലോറിക്കു പിന്നില്‍ ഇടിച്ച പിക്കപ്പ് വാനിലേക്ക് കണ്ടെയ്‌നര്‍ ലോറി ഇടിച്ചു കയറി ഒരാള്‍ക്ക് ദാരുണാന്ത്യം. ംസ്ഥാന അതിര്‍ത്തിക്കു സമീപം ചാവടിപ്പാലത്തില്‍ ലോറിക്കു പിന്നില്‍ ഇടിച്ച പിക്കപ്പ് വാനിലേക്കു കണ്ടെയ്‌നര്‍ ലോറി ഇടിച്ചു കയറിയാണ് ഒരാള്‍ മരിച്ചത്.
മലപ്പുറം സ്വദേശി ആഷിക്ക് അലി (34) ആണ് മരിച്ചത്. വാന്‍ െ്രെഡവര്‍ മണികണ്ഠന്‍ ഉള്‍പ്പെടെ 4 പേര്‍ക്കു പരുക്കേറ്റു. ചരക്കു ലോറിയിലെയും കണ്ടെയ്‌നര്‍ ലോറിയിലെയും യാത്രക്കാര്‍ക്ക് നേരിയ പരുക്കുകളുണ്ട്. മൂന്ന് വാഹനങ്ങളും കോയമ്ബത്തൂരില്‍ നിന്നു പാലക്കാട്ടേക്ക് വരികയായിരുന്നു.
പച്ചക്കറിയുമായി പോയ ചരക്കു ലോറിയിലേക്കു ആദ്യം മീന്‍ കയറ്റി വന്ന പിക്കപ്പ് വാന്‍ ഇടിച്ചു നിന്നു. ഇതിലേക്കു പിന്നിലെത്തിയ കണ്ടെയ്‌നര്‍ ഇടിച്ചു കയറുകയും വാന്‍ ചരക്കുലോറിക്കു അടി വശത്തേക്കു നീങ്ങുകയുമായിരുന്നെന്നു പൊലീസ് പറഞ്ഞു.
കേരള അതിര്‍ത്തിയില്‍ പരിശോധനയ്ക്കുണ്ടായിരുന്ന വാളയാറിലെ പൊലീസ് ഉദ്യോഗസ്ഥര്‍ വിവരമറിയിച്ചതിനെ തുടര്‍ന്നു കഞ്ചിക്കോട് അഗ്‌നിരക്ഷാസേനയെത്തി പിക്കപ്പ് വാന്‍ ഹൈഡ്രോളിങ് കട്ടറും സ്‌പൈഡറും ഉപയോഗിച്ചു വെട്ടിപ്പൊളിച്ചാണു പരിക്കേറ്റവരെ പുറത്തെടുത്ത്.
ഗുരുതര പരിക്കേറ്റ ആഷിക്ക് അലിയെ കോയമ്പത്തൂര്‍ ഗവ. മെഡിക്കല്‍ കോളജിലേക്ക് കൊണ്ടുപോയെങ്കിലും വഴി മധ്യേ മരിച്ചു. െ്രെഡവറെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.
"
https://www.facebook.com/Malayalivartha
