കൊട്ടാരക്കരയിലെ കൂട്ടകൊലപാതകവും ആത്മഹത്യയും... സാമ്ബത്തിക ബാധ്യതയാണ് കൂട്ടക്കൊലയ്ക്ക് കാരണമായതെന്ന് നിഗമനം
കൊട്ടാരക്കരയില് അമ്മയെയും രണ്ട് മക്കളെയും വെട്ടിക്കൊലപ്പെടുത്തിയ ശേഷം ഗൃഹനാഥന് ആത്മഹത്യചെയ്ത സംഭവത്തില് വിവരങ്ങള് പുറത്ത്. ആത്മഹത്യ ചെയ്ത രാജേന്ദ്രന് മാനസികാസ്വാസ്ഥ്യത്തിന് ചികിത്സ തേടിയിരുന്ന ആളാണെന്നും വീട് നിര്മ്മാണവുമായി ബന്ധപ്പെട്ട് ആറ് ലക്ഷം രൂപയുടെ കടമുണ്ടായിരുന്നതായും ബന്ധുക്കള് പറയുന്നു. കൊട്ടാരക്കര പൂജപ്പുര വീട്ടില് രാജേന്ദ്രനാണ് ഭാര്യ അനിത മക്കളായ ആദിത്യരാജ്, അമൃത എന്നിവരെ കൊലപ്പെടുത്തിയ ശേഷം തൂങ്ങി മരിച്ചത്. ആദിത്യ രാജിന് 24 വയസ്സും അമൃതയ്ക്ക് 22 വയസുമാണ്. നീലേശ്വരം ജങ്ഷനില് ഓട്ടോ റിക്ഷാ ഡ്രൈവറായിരുന്നു രാജേന്ദ്രന്.
സ്വകാര്യ സ്ഥാപനത്തില് ജീവനക്കാരനായിരുന്ന മകന് ആദിത്യ രാജ് രാവിലെ ജോലിക്ക് എത്താതതിനെ തുടര്ന്ന് സുഹൃത്തുക്കള് വീട്ടില് അന്വേഷിച്ച് എത്തിയപ്പോഴാണ് ദാരുണ സംഭവത്തെ കുറിച്ച് പുറംലോകം അറിയുന്നത്. സാമ്ബത്തിക ബാധ്യതയാണ് ഭാര്യയെയും മക്കളെയും കൊലപ്പെടുത്തി ആത്മഹത്യ ചെയ്യാന് രാജേന്ദ്രനെ പ്രേരിപ്പിച്ചതെന്നാണ് പ്രാഥമിക നിഗമനം.
കടബാധ്യതയെ തുടര്ന്ന് രാജേന്ദ്രന് ഭാര്യയെയും മക്കളെയും കൊലപ്പെടുത്തി ആത്മഹത്യ ചെയ്തുവെന്നാണ് പോലീസിന്റെ നിഗമനം. മൂവര്ക്കും കഴുത്തിനാണ് വെട്ടേറ്റത്. സംഭവത്തിന് പിന്നില് മറ്റെന്തെങ്കിലും കാരണങ്ങളുണ്ടോ എന്നും പോലീസ് അന്വേഷിക്കുന്നുണ്ട്. രാത്രി ബഹളം കേട്ടിരുന്നില്ല എന്ന് സമീപവാസികള് പറഞ്ഞതിനാല് കൊലപാതകത്തിനിടെ ചെറുത്തുനില്പ്പ് ഉണ്ടായില്ല എന്നാണ് കരുതുന്നത്. ഇതിനായി ഭക്ഷണത്തില് മയക്കുമരുന്ന് ചേര്ത്ത് നല്കിയോ എന്നും സംശയമുണ്ട്. നാട്ടുകാരുമായി അധികം ഇടപഴകാത്ത പ്രകൃതമായിരുന്നു രാജേന്ദ്രന്റേത്.
https://www.facebook.com/Malayalivartha