സോണിയ പറഞ്ഞു, രമേശ് അനുസരിച്ചു; ഘടകകക്ഷികള് ഇടഞ്ഞില്ലെങ്കില് രമേശ് ചെന്നിത്തല ഉപമുഖ്യമന്ത്രിയാകും
രമേശ് ചെന്നിത്തലയുടെ മന്ത്രിസഭാ പ്രവേശനം യാഥാര്ത്ഥ്യമാകുന്നു. ചെന്നിത്തല ഉമ്മന്ചാണ്ടി മന്ത്രിസഭയില് ചേരണമെന്ന് കോണ്ഗ്രസ് അദ്ധ്യക്ഷ സോണിയാഗാന്ധി ആവശ്യപ്പെട്ടു. ഇതിനോട് ചെന്നിത്തല എതിര്പ്പ് പ്രകടിപ്പിച്ചില്ല എന്നാണ് അറിയുന്നത്. റവന്യൂ വകുപ്പ് കൂടി ഉള്പ്പെടുത്തി ഉപമുഖ്യമന്ത്രി പദം ചെന്നിത്തലക്ക് നല്കാനാണ് നീക്കം. മുഖ്യമന്ത്രി കൂടി ഡല്ഹിയിലെത്തിയ ശേഷമായിരിക്കും ഇക്കാര്യത്തില് അന്തിമ തീരുമാനം എടുക്കുക.
അതേസമയം ഉപമുഖ്യമന്ത്രി പദവുമായി ബന്ധപ്പെട്ട് ഘടകകക്ഷികളായ മാണിഗ്രൂപ്പും, മുസ്ലീം ലീഗും ഇടഞ്ഞു നില്ക്കുന്നത് കോണ്ഗ്രസിന് തലവേദനയായിട്ടുണ്ട്. ജോസ് കെ മാണിക്ക് കേന്ദ്രമന്ത്രിസഭയില് ഇടം നല്കുന്നതും, ഇ.അഹമ്മദിന് വകുപ്പ് മാറ്റിനല്കുന്നതും പരിഗണിക്കാന് കഴിയില്ലെന്ന് ഹൈക്കമാന്റ് അറിയിച്ചിട്ടുണ്ട്. അതിനാല് തന്നെ ഉപമുഖ്യമന്ത്രി പദം രമേശിന് നലല്കിയുള്ള പ്രശ്നപരിഹാരത്തിന് ഈ കക്ഷികള് ഇടംകോലിടാനാണ് സാധ്യത. യു.ഡി.എഫിലെ പ്രശ്നങ്ങള് കൂടുതല് മൂര്ച്ചിക്കുമോ അതോ പരിഹാരത്തിലെത്തുമോ എന്നത് കാത്തിരുന്നു കാണേണ്ട സ്ഥിതിയാണ്.
https://www.facebook.com/Malayalivartha