രമേശിന്റെ ഭാവി നാളെ അറിയാം; മന്ത്രിസഭാ പ്രവേശനം സംബന്ധിച്ച ഔദ്യോഗിക പ്രഖ്യാപനം നാളെ
രമേശ് ചെന്നിത്തലയുടെ മന്ത്രിസഭാ പ്രവേശനം സംബന്ധിച്ച ഔദ്യോഗിക പ്രഖ്യാപനം നാളെ. ഇതിനു മുന്നോടിയായി മുഖ്യമന്ത്രി ഉമ്മന് ചാണ്ടി കോണ്ഗ്രസ് അദ്ധ്യക്ഷ സോണിയാഗാന്ധിയുമായി കൂടിക്കാഴ്ച നടത്തി. രമേശിനെ ഉപമുഖ്യമന്ത്രിയാക്കാന് നേതൃതലത്തില് ധാരണയായതായാണ് സൂചന.
നേരത്തെ ചെന്നിത്തലയോട് മന്ത്രിസഭയില് ചേരാന് സോണിയഗാന്ധി ആവശ്യപ്പെട്ടിരുന്നു. ഇതിനോട് ചെന്നിത്തല എതിര്പ്പ് പ്രകടിപ്പിച്ചില്ല. മന്ത്രിസഭയിലേക്ക് വരുന്നതിന് രമേശ് സമ്മതം നല്കിയതായി കേന്ദ്രമന്ത്രി മുല്ലപ്പള്ളി രാമചന്ദ്രന് പറഞ്ഞിരുന്നു. റവന്യൂ വകുപ്പ് കൂടി ഉള്പ്പെടുത്തി ഉപമുഖ്യമന്ത്രി പദം ചെന്നിത്തലക്ക് നല്കാനാണ് നീക്കം.
അതേസമയം ഉപമുഖ്യമന്ത്രി പദവുമായി ബന്ധപ്പെട്ട് ഘടകകക്ഷികളായ മാണിഗ്രൂപ്പും, മുസ്ലീം ലീഗും ഇടഞ്ഞു നില്ക്കുന്നത് കോണ്ഗ്രസിന് തലവേദനയായിട്ടുണ്ട്. ജോസ് കെ മാണിക്ക് കേന്ദ്രമന്ത്രിസഭയില് ഇടം നല്കുന്നതും, ഇ.അഹമ്മദിന് വകുപ്പ് മാറ്റിനല്കുന്നതും പരിഗണിക്കാന് കഴിയില്ലെന്ന് ഹൈക്കമാന്റ് അറിയിച്ചിട്ടുണ്ട്.
അതിനാല് തന്നെ ഉപമുഖ്യമന്ത്രി പദം രമേശിന് നലല്കിയുള്ള പ്രശ്നപരിഹാരത്തിന് ഈ കക്ഷികള് ഇടംകോലിടാനാണ് സാധ്യത.
https://www.facebook.com/Malayalivartha