രമേശ് ചെന്നിത്തല ആശയക്കുഴപ്പമുണ്ടാക്കിയെന്ന് മുല്ലപ്പള്ളി, ചെന്നിത്തലയുടെ രാഷ്ട്രീയ ഗ്രാഫ് ഉയര്ന്നെന്ന് കെ. മുരളീധരന്
കെപിസിസി പ്രസിഡണ്ട് രമേശ് ചെന്നിത്തലയ്ക്കെതിരെ മുല്ലപ്പള്ളി രാമചന്ദ്രന്. ചെന്നിത്തല ആശയകുഴപ്പമുണ്ടാക്കിയെന്ന് മുല്ലപ്പള്ളി രാമചന്ദ്രന്. ഒറ്റക്ക് തീരുമാനങ്ങള് പ്രഖ്യാപിച്ചത് ആശയകുഴപ്പങ്ങള് ഇടയാക്കി. സൂചന ലഭിച്ചിട്ടാണ് ചെന്നിത്തല മന്ത്രിസഭയില് ചേരാന് തീരുമാനിച്ച കാര്യം താന് പറഞ്ഞതെന്നും മുല്ലപ്പള്ളി പറഞ്ഞു.
അതേസമയം രമേശ് ചെന്നിത്തലയുടെ രാഷ്ട്രീയ ഗ്രാഫ് ഉയര്ന്നെന്ന് കെ മുരളീധരന്. പ്രശ്നങ്ങള്ക്ക് കാരണം കെപിസിസി പ്രസിഡണ്ടല്ല. എന്റെ പാളിച്ചകളില് നിന്ന് രമേശ് പാഠം പഠിച്ചു. സര്ക്കാരിന്റെ ഇനിയുള്ള പ്രകടനം ലോക്സഭാ തെരഞ്ഞെടുപ്പില് നിര്ണായകമാണെന്നും മുരളീധരന് പറഞ്ഞു.
ഘടകക്ഷികളെ ഡല്ഹിയിലേക്ക് വലിച്ചിഴക്കേണ്ട. ഇന്ന് ഒന്നിനും ധാര്മ്മികതയില്ല. കെ കരുണാകരന് രാഷ്ട്രീയ ധാര്മ്മികതയുടെ പേരിലാണ് രാജിവെച്ചതെന്നും മുരളീധരന് പറഞ്ഞു.
രമേശ് ചെന്നിത്തല കെപിസിസി പ്രസിഡണ്ടായി തുടരണമെന്ന് കെ മുരളീധരന് കഴിഞ്ഞ ദിവസം ആവശ്യപ്പെട്ടിരുന്നു.
ചെന്നിത്തലയെ മന്ത്രിയാക്കിയുള്ള പ്രശ്ന പരിഹാര നീക്കം ഐ ഗ്രൂപ്പ് നേരത്തെ തള്ളിയിരുന്നു. മന്ത്രിസ്ഥാന ചര്ച്ചകള് ചെന്നിത്തലയെ അപമാനിക്കാനെന്നായിരുന്നു ഐ ഗ്രൂപ്പ് ആരോപിച്ചിരുന്നത്.
https://www.facebook.com/Malayalivartha