കോണ്‍ഗ്രസ് പാര്‍ട്ടിയിലെ ആഭ്യന്തര പ്രശ്നങ്ങളില്‍ ഘടകകക്ഷികള്‍ ഇടപെടേണ്ട കാര്യമില്ലെന്ന് വൈദ്യുതി മന്ത്രി ആര്യാടന്‍ മുഹമ്മദ്. കേരളാ കോണ്‍ഗ്രസിന് എന്തെങ്കിലും പരാതിയുണ്ടെങ്കില്‍ അത് പറയേണ്ടത് യുഡിഎഫിലാണ്. മന്ത്രിസഭാ പുനസംഘടനയുമായി ബന്ധപ്പെട്ട് ഘടക കക്ഷികള്‍ നടത്തുന്ന പ്രസ്താവനകള്‍ക്കെതിരൊയാണ് ആര്യാടന്‍ നിലപാട് വ്യക്തമാക്കിയത്. പി സി ജോര്‍ജ് കേരളാ കോണ്‍ഗ്രസിലെ പ്രശ്നങ്ങള്‍ മാത്രം നോക്കിയാല്‍ മതി. രമേശ് ചെന്നിത്തല മന്ത്രിസഭയിലേക്ക് വരേണ്ടെന്ന് ആരും പറഞ്ഞിട്ടില്ലെന്നും അദ്ദേഹം കൂട്ടിച്ചേര്‍ത്തു.