സര്വ്വകക്ഷി സംഘത്തെ ഡല്ഹിയിലേക്ക് അയക്കുമെന്ന് മുഖ്യമന്ത്രി, ദേശീയ ദുരന്തമായി പ്രഖ്യാപിക്കണമെന്ന് വിഎസ്
മഴക്കെടുതിയില് കേന്ദ്രസഹായം ആവശ്യപ്പെട്ട് സര്വ്വകക്ഷി സംഘം ഡല്ഹിയിലേക്ക് പോകുമെന്നും മുഖ്യമന്ത്രി ഉമ്മന് ചാണ്ടി പറഞ്ഞു. ദുരിതാശ്വാസ ധനസഹായം കൂട്ടണമെന്ന് സംഘം പ്രധാനമന്ത്രിയോട് അഭ്യര്ത്ഥിക്കും. കേന്ദ്രമന്ത്രിമാരും വിദഗ്ധരും ഉള്പ്പെടുന്ന സംഘം ഇടുക്കി സന്ദര്ശിക്കണമെന്ന് ആവശ്യപ്പെട്ട് പ്രധാനമന്ത്രി മന്മോഹന് സിംഗിന് കത്തയച്ചുവെന്നും മുഖ്യമന്ത്രി പറഞ്ഞു. മഴക്കെടുതിയില് വീട് പൂര്ണ്ണമായും നഷ്ടപ്പെട്ടവര്ക്ക് രണ്ട് ലക്ഷം രൂപ നഷ്ടപരിഹാരം നല്കുമെന്നും മുഖ്യമന്ത്രി അറിയിച്ചു.
അതേസമയം ഇടുക്കിയില് വ്യാപക നാശം വിതച്ച കാലവര്ഷത്തിന് ഇനിയും ശമനമായില്ല. ദുരന്തം തകര്ത്ത ചീയപ്പാറയില് സൈന്യത്തിന്റെ രക്ഷാപ്രവര്ത്തനം തുടരുകയാണ്. കൊക്കയിലേക്ക് വീണ വാഹനങ്ങള് കരക്കെത്തിക്കാനുള്ള ശ്രമത്തിലാണ് ദുരന്തനിവാരണ സേനാംഗങ്ങള്. രക്ഷാപ്രവര്ത്തനം കഴിഞ്ഞാലും ദുരന്തനിവാരണ സേനയുടെ ഒരു യൂണിറ്റിനോട് മുല്ലപ്പെരിയാറില് തുടരാന് ആവശ്യപ്പെടുമെന്ന് ചീയപ്പാറ സന്ദര്ശിച്ച ശേഷം മുഖ്യമന്ത്രി ഉമ്മന്ചാണ്ടി പറഞ്ഞു.
ഇതിനിടെ മഴക്കെടുതി വിലയിരുത്താന് മുഖ്യമന്ത്രിയുടെ അധ്യക്ഷതയില് തിരവനന്തപുരത്ത് സര്വകക്ഷി യോഗം ചേര്ന്നു. പ്രധാനമന്ത്രിയുടെ ഫണ്ടില്നിന്ന് കൂടുതല് സഹായം ആവശ്യപ്പെടാന് യോഗം തീരുമാനിച്ചു. ഇടുക്കിയിലേത് ദേശീയ ദുരന്തമായി പ്രഖ്യാപിക്കണമെന്ന് വി.എസ് അച്യുതാനന്ദന് ആവശ്യപ്പെട്ടു.
https://www.facebook.com/Malayalivartha