കേരളത്തിലെ ഏറ്റവും വലിയ ജില്ല ഇടുക്കി. 1997 നു മുന്‍പ് കേരളത്തിലെ ഏറ്റവും വലിയ ജില്ലയെന്ന പെരുമ ഇടുക്കി ജില്ലക്കുണ്ടായിരുന്നു. എന്നാല്‍ പിന്നീട് ദേവികുളം താലുക്കിന്റെ ഭാഗമായിരുന്ന കുട്ടന്‍പുഴ വില്ലേജ് എറണാകുളം ജില്ലയോട് ചേര്‍ക്കപ്പെട്ടതോടെ ഇടുക്കിയുടെ ഒന്നാം സ്ഥാനം നഷ്ടമായി, സംസ്ഥാനത്തെ ഏറ്റവും വലിയ ജില്ലയായി പാലക്കാട് മാറി.

എന്നാല്‍ പുതിയതായി രൂപീകരിച്ച ഇടമലക്കുടി വില്ലേജിലേക്ക് ഇപ്പോഴത്തെ കുട്ടന്‍പുഴ വില്ലേജിന്റെ ഭാഗമായ റവന്യു രേഖകളില്‍ പറഞ്ഞിട്ടുള്ളതുമായ 12718.5095 ഹെക്ടര്‍ സ്ഥലം കൂട്ടി ചേര്‍ത്തതോടെ ഇടുക്കി ജില്ലയുടെ വിസ്തൃതി 4612 ചതുരസ്ത്ര കിലോമീറ്ററായി വര്‍ധിച്ചു.

ഇതോടെ പാലക്കാടിനെ പിന്തള്ളി ഇടുക്കി ഒന്നാമതായി. ഭരണസൗകര്യത്തിനായാണ് കുട്ടമ്പുഴ വില്ലേജിന്റെ ഭാഗങ്ങള്‍ ഇടമലക്കുടിയിലേക്ക് ഉള്‍പ്പെടുത്തിയത്. ഇതുസംബന്ധിച്ച വിജ്ഞാപനം സെപ്റ്റംബര്‍ അഞ്ചിന് പുറപ്പെടുവിച്ചു. സര്‍ക്കാര്‍ ഗസ്റ്റിലും ഇക്കാര്യം ഉള്‍പ്പെടുത്തിയിട്ടുണ്ട്. പുതിയ മാറ്റത്തോടെ എറണാകുളം ജില്ല വലിപ്പത്തില്‍ നാലില്‍നിന്ന് അഞ്ചാം സ്ഥാനത്തായി. അഞ്ചാമതായിരുന്ന തൃശൂര്‍ നാലാം സ്ഥാനും മലപ്പുറമാണ് മൂന്നാം സ്ഥാനത്തുമാണ്.