അല്പമെങ്കിലും അഭിമാനമുണ്ടെങ്കില് പിണറായി വിജയന് മുഖ്യമന്ത്രി കസേരയില് ഇനി ഒരു ദിവസം കൂടി ഇരിക്കില്ല... സംസ്ഥാനത്തെ 14 സിപിഎം ജില്ലാ കമ്മിറ്റികളും, ഒരു പോലെ വിധിയെഴുതിക്കൊണ്ടിരിക്കുകയാണ്.. ഇങ്ങനെയൊരാള് കേരളത്തിനും പാര്ട്ടിക്കും ബാധ്യതയാണെന്ന്...
അല്പമെങ്കിലും അഭിമാനമുണ്ടെങ്കില് പിണറായി വിജയന് മുഖ്യമന്ത്രി കസേരയില് ഇനി ഒരു ദിവസം കൂടി ഇരിക്കില്ല. സംസ്ഥാനത്തെ 14 സിപിഎം ജില്ലാ കമ്മിറ്റികളും ഒരു പോലെ വിധിയെഴുതിക്കൊണ്ടിരിക്കുകയാണ് ഇങ്ങനെയൊരാള് കേരളത്തിനും പാര്ട്ടിക്കും ബാധ്യതയാണെന്ന്.ലോക് സഭാ തെരഞ്ഞെടുപ്പിലെ ദയനീയ പരാജയത്തിന് ഒരേയൊരു കാരണക്കാരന് കാരണഭൂതന് മാത്രമാണെന്നും കേരളത്തിലെ ജനങ്ങള്ക്ക് പിണറായോടുള്ള കലിപ്പ് വോട്ടിംഗില് അടായാളപ്പെടുത്തി എന്നുമാണ് ജില്ലാ കമ്മിറ്റികളിലെ പരസ്യവിമര്ശനം. സ്വര്ണം കായിക്കുന്ന മരമാണെങ്കിലും പുരയുടെ മുകളിലേക്കു ചാഞ്ഞാല് വെട്ടിമാറ്റണമെന്ന് പിണറായി മുന്പ് പി. ജയരാജനെ ഉന്നമിട്ടു പറഞ്ഞിരുന്നു.
ഇതേ കണ്ണൂര് ജില്ലാ കമ്മിറ്റിതന്നെ വിധിയെഴുതിയിരിക്കുന്നു ഈ പൊന്നിന്കുടം കേരളത്തിന് വല്ലാത്ത അപമാനമവും കളങ്കവുമാണെന്ന്. മൈക്കുകാരനോടും മൈക്കിനോടും സകലമാന മനുഷ്യരോടും മെക്കിട്ടുകയറുന്ന ഒരു ധിക്കാരി. സ്റ്റാലിനെയും മാവോയെയുംകാള് വലിയ ധാര്ഷ്ട്യക്കാരന്. മനുഷ്യരോടു പുശ്ചത്തോടെ മാത്രം സംസാരിക്കുന്ന അഹങ്കാരി. ഒന്നു ചിരിക്കാന് പോലും മനസില്ലാത്ത മുഖ്യന്. ഇങ്ങനെയൊക്കെ കേരളത്തിലെ ജനങ്ങള് ഒരു മുഖ്യമന്ത്രിയെക്കുറിച്ചും പറഞ്ഞിട്ടുണ്ടാവില്ല. പാര്ട്ടി സെക്രട്ടറി എം.വി. ഗോവിന്ദനെയും കേരളത്തിലെ ജനങ്ങള് ഉള്ക്കൊള്ളുന്നില്ലെന്നാണ് ഏറെ ജില്ലാ കമ്മിറ്റികളും വിധിയെഴുതിക്കൊണ്ടിരിക്കുന്നത്.
മന്ത്രിമാരില് ഏറെപ്പേരും ശരാശരിക്കും ഏറെ താഴെയാണെന്നും കേരളത്തിലെ അഭ്യന്തര വകുപ്പ് വന്പരാജയമാണെന്നും മന്ത്രിസഭ അടിയന്തിരമായി പുനസംഘടിപ്പിക്കണമെന്നുമൊക്കെയാണ് കൊല്ലം ജില്ലാ കമ്മിറ്റിയില് വിമര്ശനം ഉയര്ന്നത്. മുകേഷിനെ സ്ഥാനാര്ഥിയാക്കിയത് വലിയ വീഴ്ചയായിപ്പോയെന്നും മന്ത്രിമാരില് ഏറെപ്പേരും നാടിനു ബാധ്യതയാണെന്നും കൊല്ലം കമ്മിറ്റി വിധിയെഴുതി.ഒരേ സമയം പൊട്ടത്തരവും ഊളത്തരവും മാത്രം പറയുന്ന എല്ഡിഎഫ് കണ്വീനറുടെ പ്രതികരണങ്ങള് ഇലക്ഷനില് വലിയ തിരിച്ചടിയായി. ജയരാജന് പകല് സമയം സഖാവും രാത്രി സങ്കിയുമാണെന്ന വിമര്ശനവും പുറത്തുവന്നു.
എംഎം ബേബിയുടേയും സിഎസ് സുജാതയുടേയും സാന്നിധ്യത്തിലായിരുന്നു കൊല്ലം ജില്ലാ കമ്മറ്റി യോഗം.വിഎസ് പക്ഷത്തെ വെട്ടിനിരത്തി പിണറായി പിടിച്ചെടക്കിയ എറണാകുളം ജില്ലാ കമ്മിറ്റിയും കാരണഭൂതനെ തള്ളിറഞ്ഞിരിക്കുന്നു.പിണറായി വിജയന്റെ മൗനത്തിനും മകളുടെ മാസപ്പടക്കും പാര്ട്ടി വലിയ വില നല്കേണ്ടി വന്നുവെന്നാണ് എറണാകുളം ജില്ലാ കമ്മിറ്റിയില് വിമര്ശനമുണ്ടായത്. കരിമണല് കമ്പനിയുമായി മകള് വീണയ്ക്ക് ബന്ധമുണ്ടെന്ന ആരോപണത്തില് പിണറായി വിജയന് പ്രതികരിക്കാന് തയാറായില്ലെന്നും യോഗത്തില് വിമര്ശനം ഉയര്ന്നു. മുഖ്യമന്ത്രിയും, പാര്ട്ടി സംസ്ഥാന സെക്രട്ടറി എം.വി. ഗോവിന്ദനും മാധ്യമപ്രവര്ത്തകരോട് ഇടപെടുന്നത് ശരിയായ രീതിയിലല്ല.
മൈക്കിനോടുപോലും അരിശംകാണിക്കുന്ന മുഖ്യമന്ത്രിയെ ജനം നിരാകരിച്ചതായി സി.പി.എം.
പത്തനംതിട്ട ജില്ലാക്കമ്മിറ്റിയില് രൂക്ഷവിമര്ശനം. തിരഞ്ഞെടുപ്പുഫലം അത് തെളിയിച്ചു. നല്ല കമ്യൂണിസ്റ്റുകാരന് ചേര്ന്ന നടപടികളല്ല മുഖ്യമന്ത്രി സ്വീകരിക്കുന്നതെന്നും തെരഞ്ഞെടുപ്പിലെ തോല്വിക്ക് പിന്നില് ഭരണവിരുദ്ധവികാരം ആഞ്ഞടിച്ചതാണ് കാരണമെന്നും സഖാക്കള് തുറന്നടിച്ചു. പത്തനംതിട്ട പാര്ലമെന്റ് മണ്ഡലത്തില് മുപ്പതിനായിരത്തിലധികം ഉറച്ച പാര്ട്ടിവോട്ടുകളുണ്ടായിരുന്നത് അപ്പാടെ ഒലിച്ചുപോയി.ഇത്രയേറെ വിമര്ശനങ്ങള് ഉയരുമ്പോഴും പിണറായി വിജയന് അതിനൊക്കെ പുല്ലുവിലയാണ് നല്കുന്നത്. സിപിഎം പ്രസ്ഥാനത്തെ കാല്ക്കീഴിലാക്കി പിണറായി സ്വേ്ച്ഛാധിപതിയെപ്പോലെ ഭരണം നടത്തുകയാണ്. ഒന്നാം പിണറായി സര്ക്കാരിന്റെ ഒരു നിഴലാകാന്പോലും രണ്ടാം പിണറായി സര്ക്കാരിന് സാധിച്ചിട്ടെന്നാണ് ജില്ലാ കമ്മിറ്റികളുടെ വിലയിരുത്തല്.
എന്തു തെമ്മാടിത്തരം കാണിച്ചാലും നീതീകരിക്കാന് കച്ചകെട്ടിയിറങ്ങിയിരിക്കുന്ന ജയരാജനും പാര്ട്ടി സെക്രട്ടറി സ്ഥാനത്തിന്റെ വിലകളഞ്ഞ എംവി ഗോവിന്ദനും തുടരുന്നിടത്തോളം കാലം കേരളത്തില് സിപിഎം ഇനി രക്ഷപ്പെടില്ല. പിണറായി വിജയനെ ചരിത്രത്തില് നിന്ന് തൂത്തെറിയാതെ കേരളത്തില് സിപിഎം ഗുണം പിടിക്കില്ലെന്ന് പറയാനുള്ള വിവരം ഒരു പറ്റം ന്യായീകരണത്തൊഴിലാളികളും അടക്കംപറച്ചിലിലും കേട്ടുതുടങ്ങിയിരിക്കുന്ന എന്നതാണ് വസ്തുത.നവകേരള സദസ് ഒരു മാടമ്പി മുഖ്യമന്ത്രിയുടെ എഴുന്നള്ളത്തു മാത്രമായിരുന്നു. അടിയാന് മന്ത്രിമാരെ ഒപ്പം കൂട്ടി നടത്തിയ കേരള വിനോദസഞ്ചാരം നാണക്കേടും തിരിച്ചടിയുമാണുണ്ടാക്കിയതെന്ന് ജനം വിധിയെഴുതുകയായിരുന്നു.
https://www.facebook.com/Malayalivartha