സര്വ്വകലാശാലയില് ഒരുമുഴം മുന്നേയെറിഞ്ഞ് ഗവര്ണര് സര്ക്കാരിനിട്ട് വെടിപൊട്ടിച്ചതോടെ കലിതുള്ളി സിപിഎം.... വീണ്ടും ആരിഫ് ഖാനെതിരെ എസ്എപ്ഐയെ ഇറക്കി സമരം കൊഴുപ്പിക്കാന് നീക്കം....
സര്വ്വകലാശാലയില് ഒരുമുഴം മുന്നേയെറിഞ്ഞ് ഗവര്ണര് സര്ക്കാരിനിട്ട് വെടിപൊട്ടിച്ചതോടെ കലിതുള്ളി സിപിഎം. വീണ്ടും ആരിഫ് ഖാനെതിരെ എസ്എപ്ഐയെ ഇറക്കി സമരം കൊഴുപ്പിക്കാന് നീക്കം. ആര്ഷോ വന്നാല് ഇപ്പോള് മലമറിക്കുമെന്ന് ഗോവിന്ദന് സഖാവിന്റെ തള്ള്. ഗവര്ണര്ക്ക് കേന്ദ്രം സുരക്ഷയൊരുക്കിയതിന്റെ പിറ്റേന്ന് ഓടിയ ആര്ഷോയുടെ പൊടി പോലും പിന്നെ കണ്ടിട്ടില്ല. വെറുതെ സിആര്പിഎഫിന് പണി ഉണ്ടാക്കി വെക്കണോന്ന് പരിഹാസം വരുന്ന. ഏതായാലും വീണ്ടും ഗവര്ണ്ണര് സര്ക്കാര് പോര്. സര്വ്വകലാശാലയില് കറി കളിച്ചേക്കരുതെന്നാണ് സിപിഎം ആരിഫ് ഖാനെ വെല്ലുവിളിക്കുന്നത്. ചാന്സലര് പിന്നെ സര്വ്വകലാശാലയില് അല്ലാതെ പാര്ട്ടി ആപ്പീസില് കയറി കളിക്കണോന്ന് മറുചോദ്യം.
ആറ് സര്വകലാശാലകളില് വി സി. നിര്ണയസമിതി രൂപവത്കരിച്ച് ഗവര്ണറുടെ വിജ്ഞാപനം സര്ക്കാരിനെ വെല്ലുവിളിക്കലാണ്. സര്വകലാശാലകള് പ്രതിനിധികളെ നല്കാത്തതിനാല് യുജിസി.യുടെയും ചാന്സലറെന്നനിലയില് തന്റെയും പ്രതിനിധികളെ ഉള്പ്പെടുത്തിയാണ് സമിതിക്ക് രൂപംനല്കിയത്. സര്ക്കാര് നിര്്ദ്ദേശം കാരണമാണ് സര്വകലാശാലകള് പ്രതിനിധികളെ നല്കാത്തത്. ഈ സാഹചര്യത്തിലാണ് സ്വന്തം നിലയിലുള്ള നീക്കം. സര്വകലാശാലകള് പ്രതിനിധികളെ പിന്നീട് നിര്ദേശിച്ചാല് അവരെ സമിതികളില് ഉള്പ്പെടുത്തും. കേരള, എം.ജി., കാര്ഷികം, മലയാളം, സാങ്കേതികം, ഫിഷറീസ് സര്വകലാശാലകളുടെ വി സി.മാരെ നിശ്ചയിക്കാനാണ് ഗവര്ണര് സമിതി രൂപവത്കരിച്ചത്. ഈ ആറ് സര്വകലാശാലകളിലെ വി സി. നിര്ണയ സമിതികളിലേക്ക് യുജിസി പ്രതിനിധികളെ നിര്ദേശിച്ചിരുന്നു.
സാങ്കേതിക സര്വകലാശാലയിലേക്ക് എ.ഐ.സി.ടി.ഇ. പ്രതിനിധിയെയും ലഭ്യമായിട്ടുണ്ട്. കണ്ണൂര്, കൊച്ചി, ഓപ്പണ് സര്വകലാശാലകളിലേക്കുള്ള പ്രതിനിധികളെ നല്കണമെന്ന് യുജിസി.യോടും സര്വകലാശാലകളോടും വീണ്ടും ഓര്മിപ്പിച്ച് രാജ്ഭവന് കത്തുനല്കും. ഉടന് മറുപടി കിട്ടിയാല് അവരേയം ഉള്ക്കൊള്ളിക്കും. അല്ലാത്ത പക്ഷം വിസിയെ പുതിയ സമിതി കണ്ടെത്തും. ഇത് വലിയ നിയമപോരാട്ടമായി മാറുമെന്ന വിലിയിരുത്തലുണ്ട്. അതുകൊണ്ട് തന്നെ കരുതലോടെയാണ് രാജ്ഭവന്റെ ഓരോ നീക്കവും. വിസിമാരുടെ നിയമനം വൈകുന്നത് പ്രതിസന്ധിയാണെന്ന് വിലയിരുത്തിയാണ് നീക്കം.
രാജ്ഭവന് വിഞാപനം ഇറക്കിയതോടെ ഇനി സര്ക്കാര് നീക്കമെന്തായിരിക്കുമെന്നാണ് ചര്ച്ചയാകുന്നത്. വിഞാപനം ഓരോ സര്വകലാശാല സിന്ഡിക്കേറ്റുകളും കോടതിയില് ചോദ്യം ചെയ്യാന് ഇടയുണ്ട്. സര്ക്കാരും ഗവര്ണ്ണര്ക്ക് എതിരെ രംഗത്തു വരും. അതെ സമയം വി സി മാര് ഇല്ലാതെ ഒരു വര്ഷത്തോളമായ സാഹചര്യത്തില് ഹൈക്കോടതി നിര്ദേശ പ്രകാരമാണ് നടപടിയെന്നാണ് രാജ്ഭവന് നിലപാട്. അതുകൊണ്ട് തന്നെ കോടതി തീരുമാനം കേസില് നിര്ണ്ണായകമാണ്. ഇനി മാസങ്ങള് മാത്രമേ ഗവര്ണ്ണര് പദവിയില് ആരിഫ് മുഹമ്മദ് ഖാന് ബാക്കിയുള്ളൂ. അതിനിടെ കാലാവധി നീട്ടി നല്കുമെന്ന അഭ്യൂഹവുമുണ്ട്. അതുകൊണ്ട് തന്നെ ഗവര്ണ്ണറുടെ ഭാഗത്ത് നിന്നും സര്ക്കാര് ഈ ഘട്ടത്തില് ഇത്തരത്തിലൊരു നടപടി പ്രതീക്ഷിച്ചിരുന്നില്ല. സര്വ്വകലാശാലകളെ കൊണ്ട് നിയയ പോരാട്ടം നടത്തി പ്രതിസന്ധി മറികടക്കാനാണ് നീക്കം.
https://www.facebook.com/Malayalivartha