അങ്കമാലിയില്‍ ഒരു വീട്ടില്‍ നിന്നും ചാരായവും കോടയും പിടികൂടി...
അങ്കമാലി ടൗണ്‍ പരിസരങ്ങളില്‍ എക്‌സൈസ് നടത്തിയ രാത്രികാല പട്രോളിംഗില്‍ ഒരു വീട്ടില്‍ നിന്നും ചാരായവും കോടയും പിടികൂടി. 32 ലിറ്റര്‍ ചാരായവും 430 ലിറ്റര്‍ വാഷും സൂക്ഷിച്ച കുറ്റത്തിന് അങ്കമാലി സ്വദേശി വര്‍ഗീസ് ആണ് അറസ്റ്റിലായത്. ആലുവ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ അഭി ദാസ് നേതൃത്വം കൊടുത്ത സംഘത്തില്‍ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ബാബു പ്രസാദ്, അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ഗ്രേഡ്മാരായ ഗോപി പി കെ, ഷൈജു വി എസ്,പ്രിവന്റിവ് ഓഫീസര്‍ സുരേഷ് ബാബു പി എന്‍, പ്രിവന്റിവ് ഓഫീസര്‍ ഗ്രേഡ് ജോമോന്‍ കെ യൂ, സിവില്‍ എക്‌സൈസ് ഓഫിസര്‍മാരായ ജിബിനാസ്, സല്‍മാനുല്‍ ഫാരിസ്, വനിത സിവില്‍ എക്‌സൈസ് ഓഫീസര്‍ നീതു പി യു, ഡ്രൈവര്‍ ശിഹാബുദ്ദീന്‍, സമഞ്ചു എന്നിവര്‍ പങ്കെടുത്തു.
അതേസമയം മദ്ധ്യമേഖല കമ്മീഷണര്‍ സ്‌ക്വാഡിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ എറണാകുളത്ത് 3 കിലോഗ്രാം കഞ്ചാവ് പിടികൂടി. എറണാകുളം എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം.എസ് ജനീഷും സംഘവും ചേര്‍ന്ന് ചേരാനല്ലൂര്‍ വടുതല ഭാഗത്ത് നിന്നാണ് ഒഡീഷ സ്വദേശി ശരത്ത് നായിക്കിനെ കഞ്ചാവുമായി പിടികൂടിയത്. സ്‌ക്വാഡ് അംഗങ്ങളായ എക്‌സൈസ് ഇന്‍സ്‌പെക്ടര്‍ പ്രമോദ്, അസിസ്റ്റന്റ് എക്‌സൈസ് ഇന്‍സ്‌പെക്ടര്‍ അജയകുമാര്‍, പ്രിവന്റിവ് ഓഫീസര്‍ ജയകുമാര്‍, സിവില്‍ എക്‌സൈസ് ഓഫീസര്‍മാരായ സിദ്ധാര്‍ദ്ദ്, അനൂപ്, ഇഷാല്‍, ശരത്,വനിത സിവില്‍ എക്‌സൈസ് ഓഫീസര്‍ ജിജിമോള്‍, സിവില്‍ എക്‌സൈസ് ഓഫീസര്‍ ഡ്രൈവര്‍ ദീപക് എന്നിവര്‍ പങ്കെടുത്തു.
https://www.facebook.com/Malayalivartha
