കൊയിലാണ്ടി ഗുരുദേവ കോളേജില് എസ്എഫ്ഐക്കാര് പ്രിന്സിപ്പലിനെ മര്ദ്ദിച്ചെന്ന് പരാതി
![](https://www.malayalivartha.com/assets/coverphotos/w657/313874_1719853471.jpg)
കോഴിക്കോട് കൊയിലാണ്ടി ഗുരുദേവ കോളേജില് എസ്എഫ്ഐക്കാരുടെ മര്ദ്ദനത്തില് പ്രിന്സിപ്പലിന് പരിക്കേറ്റു. ഇന്ന് ഡിഗ്രി പ്രവേശനവുമായി ബന്ധപ്പെട്ട് ഹെല്പ്പ് ഡസ്ക് ഇടുന്നതില് തര്ക്കമുണ്ടായിരുന്നു. ഒരു വിഭാഗം എസ്എഫ്ഐക്കാര് എത്തി കൈ പിടിച്ചു തിരിക്കുകയും മര്ദിക്കുകയും ചെയ്തെന്ന് പ്രിന്സിപ്പല് സുനില് കുമാര് ആരോപിച്ചു.
പ്രിന്സിപ്പലും കോളേജിലെ ഒരു അധ്യാപകനും കൊയിലാണ്ടി താലൂക്ക് ആശുപത്രിയില് ചികിത്സ തേടി. പൊലീസില് പരാതി നല്കുമെന്ന് പ്രിന്സിപ്പല് അറിയിച്ചു. അതിനിടെ അധ്യാപകര് മര്ദ്ദിച്ചെന്ന് ആരോപിച്ച് എസ്എഫ്ഐ പ്രവര്ത്തകരായ വിദ്യാര്ത്ഥികളും രംഗത്തെത്തി. എസ്എഫ്ഐ കൊയിലാണ്ടി ഏരിയാ പ്രസിഡന്റ് അഭിനവ് താലൂക്ക് ആശുപത്രിയില് ചികിത്സ തേടി.
https://www.facebook.com/Malayalivartha