കൊച്ചി അമൃത ഹോസ്പിറ്റലിൽ അടിയന്തിര കരൾമാറ്റ ശസ്ത്രക്രിയയ്ക്ക് വിധേയ ആയ രോഗിയ്ക്ക് വേണ്ടി ധനസഹായാർത്ഥം കൈത്താങ്ങ് ആകാൻ കുമ്പളം സഞ്ജീവനി പൂജാ മഠത്തിന്റെയും, ശ്രീശാസ്താഞ്ജനേയ സേവാ സമിതിയുടെ ആഭിമുഖ്യത്തിൽ മഹാമൃത്യുഞ്ജയ ഹോമം നടത്തുന്നു. എറണാകുളം കുമ്പളം കളരിക്കൽ മഠത്തിൽ ലത മധുസൂദനന്റെ കരൾമാറ്റ ശസ്ത്രക്രിയയ്ക്ക് ആയാണ് 2024 ജൂലൈ മാസം 13-ാംതീയതി ‘ശ്രീ ശാസ്താഞ്ജനേയ മന്ദിരത്തിൽ’ ശനിയാഴ്ച രാവിലെ ആറുമണി മുതൽ മഹാമൃത്യുഞ്ജയ ഹോമം നടത്തുന്നത്.

ഒരു ഹോമത്തിന് 100 രൂപ പ്രകാരം ഭക്തജനങ്ങൾ പേരും നക്ഷത്രവും നൽകി സമർപ്പിക്കുന്ന കാണിയ്ക്ക ചികിത്സാ ചിലവിനായി നൽകാനാണ് തീരുമാനം. ഹോമത്തിലൂടെ സ്വരൂപിക്കുന്ന മുഴുവൻ തുകയും ലതയുടെ കരൾമാറ്റ ശസ്ത്രക്രിയക്കായി നൽകും.

ശ്രീ ബാലകൃഷ്ണൻ എമ്പ്രാന്തിരിയുടെ മുഖ്യ കാർമികത്വത്തിൽ നടത്തപ്പെടുന്ന യജ്ഞത്തിലൂടെ ജീവകാരുണ്യം എന്ന പദ്ധതിയിലൂടെ നിരാലംബരായ നിരവധി ആളുകൾക്ക് ഇതിനോടകം തന്നെ ചികിത്സാ സഹായങ്ങൾ ലഭിച്ചിട്ടുണ്ട് എന്നാണ് അവകാശപ്പെടുന്നത്.